فلسطین کے شہر غزہ میں اسرائیلی بمباری کی وجہ سے 3 دن میں جان سے جانے والے بچوں کی تعداد 15 جبکہ بزرگ اور جوانوں کی کل تعداد 47 سے تجاوز کر گئی ہے۔ سوشل میڈیا پر ان بچوں کی خون میں لپٹی لاشوں کی تصاویر وائرل ہو رہی ہیں، سب ہی انسانی حقوق کی خلاف ورزی کرنے والے اسرائیل کے خلاف آواز اٹھانے کی کوشش کر رہے ہیں لیکن یہ ظلم کب ختم ہوگا یہ تو علم خُدا ہی جانے۔
فلسطین کی ایک ماں اور جوان سالہ بیٹے کی تصاویر دیکھ کر ہر آنکھ عشکبار ہے کیونکہ یہ اکلوتا بیٹا تھا اور ان کی شادی کے 13 سال بعد خُدا نے انہیں خوشی سے نوازا تھا مگر جب بیٹا 19 سال کا ہوا تو ظالموں کی بمباری کے باعث زخموں کی تاب نہ لاتے ہوئے خُدا کو پیارا ہوگیا۔
ماؤں کی ہر بھری گودیں اجڑ گئیں، کتنے بچوں کے سروں سے والد کا سایہ چھن گیا، لیکن ان مظلموں کے لیے عالمی برادری آواز بلند نہیں کر رہی۔
غزہ میں ہونے والی اس بمباری کے باعث دنیا سے جانے والے بچوں کے نام اور عمریں نجی ٹی وی کے مطابق یہ ہیں:
جمیل نجم الدین نائجم عمر چار سال
اعلیٰ عبداللہ ریاض عمر 5 سال
حازم سلیم عمر 9 سال
احمد ال نیرب عمر 11 سال
جمیل اہاب نائجم عمر 13 سال
محمد یاسر نمر عمر 13 سال
محمد حسونا عمر 14 سال
حمید حیدر نائجم عمر 16 سال
ناظمی فیاض ابو قرش عمر 16 سال
احمد ولید الفارام عمر 16 سال
محمد صلاح نائجم عمر 17 سال
ابو حمادہ عمر 18 سال
مومن النیرب عمر 5 سال
دالیہ یاسر نمر عمر 13 سال