ایسی کئی خبریں دیکھنے اور سننے کو ملتی ہیں کہ فلاں نے کئی ماہ تک بغیر کچھ کھائے گزارا کیا تو کسی نے صرف چائے پی کر پورا
سال نکال دیا۔
مگر اب آسٹریلیا سے تعلق رکھنے والی ایک خاتون سامنے آئی ہیں جنہوں نے 40 دن تک کینو کے جوس پر گزارا کیا۔
غیر ملکی میڈیا کے مطابق آسٹریلیا کی ریاست کوئنز لینڈ میں بسنے والی این اوسبورن نامی خاتون نے 40 دن تک کینو کا شربت پی کر گزارا کیا لیکن سوال یہ پیدا ہوتا ہے خاتون نے ایسا کیوں کیا؟
میڈیا رپورٹس میں بتایا گیا ہے کہ خاتون نے ایسا وزن کم کرنے کی خواہش میں کیا ہے اور اس حوالے سے انہوں نے اپنے انسٹاگرام پر ویڈیو بھی اپلوڈ کی جس میں وہ کینو کے جوس سے حاصل ہونے والے جسمانی، ذہنی اور روحانی فوائد کا بتا رہی ہیں۔
کینو کے جوس میں وٹامن سی، پوٹاشیم اور اینٹی آکسیڈنٹس کے فوائد چھپے ہوتے ہیں لیکن ماہرین کا کہنا ہے کہ ایسی سخت ڈائیٹنگ آپ کو نقصان پہنچا سکتی ہے۔