سابق وفاقی وزیربرائے ہاؤسنگ اینڈ ورکس اکرم درانی کیخلاف ایف آئی اے میں کرپشن انکوائری شروع کر دی گئی۔
ہم انویسٹی گیشن ٹیم کے تحقیقات کے مطابق ایف آئی اے اینٹی کرپشن سرکل نے اکرم درانی کو 30 جولائی کو طلب کرلیا ہے ، کرپشن انکوائری نیب سے ایف آئی اے کو بھجوائی گئی ہےجس میں اکرم درانی پرپاک پی ڈبلیومیں غیرقانونی بھرتیوں کا الزام ہے۔
سابق چیئرمین پی ٹی آئی کا 12 مقدمات میں جسمانی ریمانڈ کالعدم قرار دینے کا تحریری فیصلہ جاری
نیب نے سابق وفاقی وزیرکیخلاف ہاوسنگ اینڈ ورکس ، پاک پی ڈبلیوکے امور میں اختیارات کا غلط استعمال اور فنڈز میں خرد برد کے الزام میں تحقیقات شروع کی تھی۔
اس حوالے سے سابق وفاقی وزیر کے بیٹے زاہد درانی نے ہم نیوز کو موقف دیتے ہوئے کہا کہ نیب اور عدالت اس کیس پہلے دیکھ چکی ہے، سیاسی کیس بنایا جارہا ہے، نیب ان بھرتیوں کی پہلے ہی تحقیق کرچکا ہے جس میں انہیں کچھ نہیں ملا ہے۔
ایف آئی اے سائبر کرائم نے چھ ماہ میں دس ہزار انکوائریوں میں نو سو ملزمان کو پکڑا
انکا کہنا تھا کہ تمام الزامات چھوٹے ہیں، کوئی بنیاد نہیں ہے ، اکرم خان درانی کی طبیعت ناساز ہے ان کی جگہ عدالت میں وکیل پیش ہونگے۔