"الحمداللّٰہ، میں عاجزی اور خوشی کے ساتھ شیئر کر رہی ہوں کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔ ہمارا سفر جو ایک دوست سے زندگی کے ساتھی بننے تک پہنچا، محبت، صبر اور ایمان کا ثبوت ہے۔"
بھارتی اداکارہ اور سوشل میڈیا شخصیت ثناء سلطان نے زندگی کے نئے سفر کا آغاز کر دیا! بگ باس او ٹی ٹی 3 سے شہرت کی بلندیوں کو چھونے والی ثناء سلطان نے مدینہ منورہ میں انتہائی نجی تقریب میں اپنے دوست محمد واجد سے نکاح کر لیا۔ مدینہ کی پاک سرزمین پر اس مقدس بندھن میں بندھنے کی یہ خبریں جیسے ہی سامنے آئیں، ان کے چاہنے والوں اور مداحوں میں خوشی کی لہر دوڑ گئی۔
ثناء نے انسٹاگرام پر اپنی نکاح کی خوبصورت تصاویر شیئر کیں، جہاں انہوں نے اپنے شوہر کے بارے میں زیادہ معلومات نہیں دیں، مگر چند الفاظ میں اپنی خوشی اور شکر گزاری کا اظہار کیا۔ مدینہ کی مقدس فضا میں نکاح کی یہ تقریب نہ صرف دل کو چھو لینے والی تھی بلکہ مداحوں کے دلوں میں بھی اس محبت بھرے سفر کے لیے مزید قدر و محبت پیدا کر گئی۔
ثناء سلطان کے چاہنے والے اور دوست ان کو ڈھیروں دعائیں اور نیک تمنائیں بھیج رہے ہیں، اور ان کے اس نئے سفر کی خوشیوں میں شریک ہیں۔