ہانیہ عامر اور بادشاہ اکثر اپنی دوستی کی وجہ سے سرخیوں میں رہتے ہیں۔ دونوں فنکار ہندوستان اور پاکستان میں یکساں مقبول ہیں۔ دونوں اکثر دبئی میں ملتے ہیں اور تصاویر یا انسٹاگرام ریل بھی شیئر کرتے ہیں۔ ہانیہ نے پچھلے دنوں ہی بادشاہ کے کنسرٹ میں بھی شرکت کی تھی۔
حال ہی میں بادشاہ نے ہانیہ عامر اور اپنے رشتے کے بارے میں بات کی۔ بھارتی چینل 'گڈ نیوز ٹوڈے' کی جانب سے شیئر کی گئی ایک ویڈیو میں بادشاہ، پاکستانی اداکارہ کے ساتھ اپنے تعلق کے حوالے سے پھیلی ہوئی غلط فہمیوں کو دور کرتے ہوئے نظر آئے۔ اس شو کی میزبانی مقبول بھارتی میزبان وکرانت گپتا نے کی۔
ہانیہ کے ساتھ دوستی کے بارے میں بات کرتے ہوئے بادشاہ نے کہا کہ، "ہاں ہم بہت اچھے دوست ہیں۔ ہمارا بہت اچھا تعلق ہے۔ جب بھی ہم ملتے ہیں ہم ہمیشہ ایک ساتھ مزے کرتے ہیں۔ اس سے زیادہ کچھ نہیں ہے، وہ اپنی زندگی میں خوش ہے اور میں اپنی زندگی میں خوش ہوں۔ میں اس سے زیادہ آپ سے کیا کہوں؟ ہم کافی اچھے دوست ہیں، اس لیے اگر وہ مجھے اچھی طرح جانتی ہے تو یہ ہماری انڈر اسٹینڈنگ کی وجہ سے ہو سکتا ہے۔