نیوزی لینڈ کے فاسٹ بالر ایڈم ملنے پہلی بار پی ایس ایل کا حصہ بنیں گے۔
ایڈم ملنے نے پاکستان سپر لیگ ایڈیشن 10 کے لئے خود کو رجسٹرڈ کروا دیا ہے، پی ایس ایل کے آفیشل ٹوئٹر اکاؤنٹ کے ذریعے بتایا گیا کہ کیوی فاسٹ بالر ایڈم ملنے نے بھیپی ایس ایل کھیلنے کا فیصلہ کیا ہے اور انہوں نے ڈرافٹنگ کیلئے سائن اپ کرلیا ہے۔
ہم نیٹ ورک کا بڑا اعزاز، پاکستان میں ہونے والے کرکٹ میچز کیلئے ڈیجیٹل حقوق حاصل کرلئے
نیوزی کے فاسٹ بالر نے اب تک 185 ٹی ٹوئنٹی میچز کھیل رکھے ہیں اور انہوں نے 212 کھلاڑیوں کو آؤٹ کر رکھا ہے، انہوں نے دو مرتبہ پانچ اور پانچ مرتبہ چار وکٹیں حاصل کرنے کا اعزاز حاصل کر رکھا ہے۔
ان کی ٹی ٹوئنٹی میں بہترین بالنگ 11 رنز کے عوض پانچ وکٹیں حاصل کرنا ہے، واضح رہے کہ ان سے قبل بھی نیوزی لینڈ کے کئی کھلاڑی خود کو سائن اپ کروا چکے ہیں۔
پی ایس ایل ایڈیشن 10 کی پلیئر ڈرافٹس کی تقریب 11 جنوری کو ہو گی، پہلے اعلان کیا گیا تھا کہ یہ تقریب گوادر میں ہو گی لیکن اب یہ تقریب میں لاہور میں ہونے کا امکان ہے۔