ماہ نور بلوچ کی خوبصورتی میں ڈاکٹرز کا کمال ہے اور۔۔ آمنہ ملک کا سینئیر اداکاراؤں کے متعلق بیان! عتیقہ اوڈھو کے بارے میں کیا کہا؟

"ماہ نور بلوچ اس عمر میں بھی خوبصورت ہیں مگر اس میں کمال ڈاکٹرز کا بھی لگتا ہے۔"

پاکستانی ڈراموں کی معروف اداکارہ آمنہ ملک نے ایک پوڈ کاسٹ میں شرکت کے دوران اپنے تجربات اور سلیبریٹیز کی خوبصورتی پر دلچسپ تبصرے کیے۔ خاص طور پر، انھوں نے عتیقہ اوڈھو اور ماہ نور بلوچ کی تعریف کی اور ان دونوں کی بڑھتی عمر کے باوجود برقرار رہنے والی خوبصورتی پر حیرت کا اظہار کیا۔

آمنہ نے بتایا کہ وہ عتیقہ اوڈھو کے ساتھ ایک ڈرامے میں بیٹی کا کردار ادا کر رہی ہیں اور جب بھی عتیقہ سامنے آتی ہیں تو وہ ان سے کہتی ہیں، "آپ تو اب بھی بہت خوبصورت ہیں!"

میزبان نے سوال کیا کہ جب آپ جیسے لوگ، ماہ نور بلوچ اور عتیقہ اوڈھو، اتنی حسین ہوتی جا رہی ہیں، تو کیا اس کا راز کیا ہے؟ آمنہ کا کہنا تھا کہ، "ماہ نور بلوچ واقعی بہت حسین ہیں، مگر اس میں تھوڑا بہت ڈاکٹرز کا کمال بھی ہوتا ہے۔" تاہم، انھوں نے مزید کہا کہ عتیقہ اوڈھو کی خوبصورتی پر کوئی شک نہیں، اور وہ اس بات پر یقین رکھتی ہیں کہ عتیقہ کی خوبصورتی میں کسی خاص علاج کا دخل نہیں ہے۔

آمنہ ملک کی اس گفتگو سے یہ واضح ہوتا ہے کہ وہ جہاں ایک طرف ڈاکٹرز کی مہارت کی قدر کرتی ہیں، وہاں دوسری طرف قدرتی حسن کی بھی بھرپور تعریف کرتی ہیں، خاص طور پر جب بات عتیقہ اوڈھو کی ہو۔