شمالی وزیرستان میں سکیورٹی فورسز کے آپریشن کے دوران 6 خارجی دہشتگرد ہلاک اور میجر سمیت 2 جوان شہید ہو گئے۔
آئی ایس پی آر کے مطابق سکیورٹی فورسز نے شمالی وزیرستان کی تحصیل میر علی میں انٹیلی جنس بنیاد پر آپریشن کیا، فائرنگ کے تبادلے میں 6 خواج ہلاک اور 2 جوان شہید ہو گئے۔
سیکیورٹی فورسز کا خیبر میں آپریشن، 4 خارجی ہلاک، 2 زخمی
آئی ایس پی آر کے مطابق شہید ہونے والوں میں میجر حمزہ اسرار اور سپاہی محمد نعیم شامل ہیں ، میجر حمزہ کا تعلق راولپنڈی سے ہے۔
آئی ایس پی آر کا کہنا ہے کہ علاقے میں خارجیوں کے خاتمے کے لیے آپریشن جاری ہے ، فورسزپاکستان سے دہشتگردی کو ختم کرنے کے لیے پرعزم ہیں۔