Getty Images
دنیا بھر میں مذہبی آزادی کی صورتحال پر نظر رکھنے والے امریکی ادارے یو ایس سی آئی آر ایف نے امریکی انتظامیہ سے سفارش کی ہے کہ وہ انڈیا کی خفیہ ایجنسی ریسرچ اینڈ اینالیسس یعنی را کے خلاف مذہبی آزادی کی سنگین خلاف ورزیوں میں ملوث ہونے کے لیے پابندیاں عائد کر ے۔
امریکی ادارے نے مذہبی آزادی کی صورتحال پر اپنی تازہ رپورٹ میں انڈیا کو ’خاص تشویش والے ملک‘ میں شامل کیا ہے۔ انڈیا کی حکومت نے امریکی ادارے کی اس رپورٹ کو جانبدارانہ اور سیاسی محرکات پرمبنی قرار دے کر مسترد کر دیا ہے۔
مذہبی آزادی کے امریکی کمیشن نے سنہ 2025 کی اپنی سالانہ رپورٹ میں امریکی انتظامیہ سے سفارش کرتے ہوئسے کہا ہے کہ وہ وکاس یا دو ( را کے مبینہ ایجنٹ) جیسے افراد اور را جیسی ایجنسیوں پر مخصوص نوعیت کی پابندیاں عائد کرے جو امریکی سرزمین پر امریکی شہریوں کے ناکام قتل میں ملوث ہیں۔ اس نے سفارش کی ہے کہ ’امریکی انتظامیہ مذہبی آزادی کی سنگین خلاف ورزیوں کے ارتکاب کے لیے امریکہ میں ایسے انفرادی اشخاص اور ایجنسیوں کے اثاثے ضبط کرنے چاہئیں اور ان کے داخلے پر پابندی لگا دینی چاہئیے۔‘
Getty Images
را پر پابندیوں کی سفارش اس پس منظر میں کی گئی جس میں امریکہ کے محکمہ انصاف نے را اور اس کے ایک ایجنٹ وکاس یادو پر الزام عائد کیا تھا کہ انھوں نے سنہ 2023 میں امریکہ کے ایک شہری اور سکھ علیحدگی پسند لیڈر کو قتل کرنے کی ناکام کوشش کی تھی۔
اس واقع کے بعد نیویارک کی ایک عدالت نے انڈین حکومت کے قومی سلامتی کے مشیر اجیت ڈوبال اور را کے سربراہ سامنت گوئل کو سمن بھیجا تھا۔ امریکہ نے اس معاملے کو ظاہر کر دیا تھا جس کے بعد انڈیا کی حکومت نے اپنے یہاں اس معاملے کی اعلی سطح پر تحقیقات کرائی تھی۔
اربوں ڈالر کے دفاعی معاہدے، امریکی تیل کی خریداری اور جوابی ٹیرف کا خطرہ: انڈيا نے امریکہ میں کیا کھویا اور کیا پایا؟امریکہ کی انڈین کمپنیوں پر ’روس کی معاونت‘ کے الزام میں پابندی انڈیا کے ساتھ تعلقات کو کیسے متاثر کرے گیدفاعی ساز و سامان خریدنے پر اصرار اور تجارتی تعلقات میں برابری، ٹرمپ انتظامیہ انڈیا سے کیا چاہتی ہے؟انڈیا کے 104 غیرقانونی تارکین وطن کی امریکہ بدری کے بعد ملک واپسی: ’دوستی میں یہ کیسا مرحلہ آ گیا‘
یہ پہلا موقع ہے کہ مذہبی آزادی کے امریکی کمیشن نے مذہبی اقلیتوں پر مبینہ جبر اور مظالم کے معاملے میں انڈیا کی خفیہ ایجنسی کا نام لیا ہے۔ اس رپورٹ میں کہا گیا ہے کہ ’انڈیا کی حکومت نے مذہبی اقلیتوں بالخصوص سکھ برادری اور ان کی حمایت کرنے والوں کو ہدف بنانے کے لیے اپنے جبر کا دائرہ غیر ممالک تک پھیلا دیا ہے۔ بین الاقوامی رپورٹنگ اور کینیڈا حکومت کی خفیہ اطلاعات سے ان الزامات کی تصدیق ہوئی تھی کہ انڈیا کی ریسرچ اینڈ اینالیسس ونگ، یعنی را اور چھہ سفارتکار نیویارک میں سنہ 2023 میں ایک امریکی سکھ علیحدگی پسند لیڈر کے قتل کی کوشش سے منسلک تھے۔‘
اس نے اپنی رپورٹ میں سفارش کی ہے کہ امریکی کانگریس ’مذہبی آزادی کو مسلسل نقصان پہنچانے اور اسکی خلاف ورزیوں میں ملوث ہونے کے لیے انڈیا کو خاص تشویش ملکوں کے زمرے میں شامل کرے۔‘
Getty Images
امریکی ادارے کی اس رپورٹ میں یہ دعوی کیا گیا ہے کہ انڈیا میں حکامسول سوسائٹی کی تنظیموں، اقلیتی گروپوں کے ارکان، حقوق انسانی کے کارکنوں اور مزہبی آزادی کی خبریں دینے والے صحافیوں کو گرفتار کرنے کے لیے انسداد دہشت گردی کے قانون یو اے پی اے سمیت فارن کنٹریبیوشن ریگولیشن ایکٹ جیسے دہشت گردی اور اس کی مالی اعانت جیسے متعلقہ قوانین کا بدستور غلط استعمال کر رہی ہے۔
رپوٹ میں امریکہ کی حکومت سے یہ سفارش بھی کی گئی ہے کہ ’وہ آرمس کنٹرول ایکٹ کے تحت اس امر کا جائزہ لے کہ انڈیا کو ایم کیو-9 بی ڈرون جیسے ہتھیاروں کی فروخت سے وہاں مذہبی آزادی کی صورتحال مزید خراب تو نہیں ہو گی۔‘
یو ایس سی آئی آرایف نے اپنی رپورٹ میں کہا ہے کہ سنہ 2014 میں اقتدار میں آنے کے بعد اپنے دس برس کے دور اقتدار میں بی جے پی ایک ایسی مذہبیت کی پالیسی پر عمل پیرا ہے جس کا مقصد آئین سیکولر اصولوں کے برعکس انڈیا کو واضح طور پر ایک ہندو مملکت بنانا ہے ’اس میں کہا گیا ہے جون کے انتخابات سے قبل مسلمانون اور دوسری مذہبی اقلیتوں کے خلاف نفرت انگیز تقریروں، گمراہ کن اور جھوٹی خبروں کا ایک سلسلہ چلایا گیا تھا۔‘
وزیراعظم مودی نے اپنی تقریروں میں کئی بار یہ دعوی کیا کہ ’اپوزیشن جماعتیں ملک سے ہندو مذہب کو ختم کر دیں گی اور انلھوں نے مسلمانوں کا ذکر درانداز کہ کر کیا۔‘
مرکزی وزیر داخلہ امت شاہ نے بھی اسی طرح کا دعوی کرتے ہوئے کہا کہ ’اگر اپوزیشن جماعتیں اقتدار میں آگئیں تو وہ شرعی قوانین نافذ کر دیں گی۔ جبکہ اپویشن کے اننتحابی منشور میں ایسی کوئی بات نہیں کہی گئی تھی۔ اس میں کہا گیا ہے اسی طرح کے گمراہ کن اور جھوٹی خبروں، سیاسی رہنماؤں کے نفرت انگیز بیانات سے مسلسل مذہبی اقلیتوں کے خلاف مختلف نوعیت کے حملوں کو ہوا اور ترغیب ملی۔‘
اس رپورٹ میں کہا گیا ہے کہ ’سنہ 2024 میں مذہبی اقلیتوں اور ان کی عبادت گاہوں پر حملوں کا سلسلہ جاری رہا اور اس کے لیے کسی کو سزا بھی نہیں ملتی۔‘
Getty Images
انڈیا کی وزارت خارجہ نے امریکی کمیشن کی رپورٹ کو پوری طرح مسترد کر دیا ہے۔ وزارت خارجہ کے ترجمان رندھیر جیسوال نے ایک بیان میں کہا کہ ’الگ الگ واقعات کو غلط طریقے سے پیش کرنے اور انڈیا کی ملی جلی ثقافت کو بدنام کرنے کی یو ایس سی آئی آر ایف کی مسلسل کوششیں اس بات کی عکاس ہیں کہ یہ مذہبی آزادی کے بارے میں حقیقی تشویش کا معاملہ نہیں ہے بلکہ یہ ایک دانستہ ایجنڈے کے تحت کیا جا رہا ہے۔‘
جیسوال نے ایک سخت بیان میں کہا کہ ’جمہوریت اور رواداری کی مشعل راہ کی انڈیا حیثیت کو زک پہنچانے کی اس طرح کی کوششیں کامیاب نہیں ہو سکیں گی۔ دراصل امریکی ادارے کو تشویش والے اداروں میں رکھنے کی ضرورت ہے۔‘
وزارت خارجہ کے ترجمان رندھیر جیسوال نے مزید کہا کہ ’انڈیا ایک ارب 40 کروڑ لوگوں کا ملک ہے جہاں بنی نوع انسانی کے تمام مذاہب کے ماننے والے لوگ موجود ہیں۔‘ ہمیں یو ایس سی آئی آر ایف سے بالکل یہ توقع نہیں ہے کہ وہ وہ انڈیا کی تکثییریت کے نظام کو یا محتلف مذہبی برادریوں کے ہم آہنگی اور بقائے باہم کے تصور کو سمجھ سکے گی۔‘
لاکھوں انڈین شہریوں کا مستقل امریکی رہائش کا برسوں پر محیط انتظار: ’لگتا ہے گرین کارڈ ملنے سے پہلے ہم مر جائیں گے‘امریکہ کی انڈین کمپنیوں پر ’روس کی معاونت‘ کے الزام میں پابندی انڈیا کے ساتھ تعلقات کو کیسے متاثر کرے گیانڈیا کے 104 غیرقانونی تارکین وطن کی امریکہ بدری کے بعد ملک واپسی: ’دوستی میں یہ کیسا مرحلہ آ گیا‘دفاعی ساز و سامان خریدنے پر اصرار اور تجارتی تعلقات میں برابری، ٹرمپ انتظامیہ انڈیا سے کیا چاہتی ہے؟اربوں ڈالر کے دفاعی معاہدے، امریکی تیل کی خریداری اور جوابی ٹیرف کا خطرہ: انڈيا نے امریکہ میں کیا کھویا اور کیا پایا؟انڈیا کے 104 غیرقانونی تارکین وطن کی امریکہ بدری کے بعد ملک واپسی: ’دوستی میں یہ کیسا مرحلہ آ گیا‘