پاکستان نے بھارتی وزیر خارجہ جے شنکر کے پاکستان میں اقلیتوں کیساتھ ناروا سلوک کے بیان کو یکسر مسترد کرتے ہوئے کہا ہے کہ بھارت اقلیتوں کے حقوق کا چیمپئن بننے کی پوزیشن میں نہیں ہے۔
دفتر خارجہ کے ترجمان شفقت علی خان نے کہا کہ بھارت میں اقلیتوں پر ریاستی جبر کے شواہد موجود ہیں، اقلیتوں کے خلاف واقعات حکومتی عناصر کی ملی بھگت سے ہوتے ہیں۔
بھارت انسانی حقوق کی مسلسل خلاف ورزی کرنے والا ملک ہے، دفتر خارجہ
دفتر خارجہ کے ترجمان کا مزید کہنا تھا کہ پاکستان میں ریاستی ادارے اقلیتوں کے تحفظ کو یقینی بناتے ہیں، اس کے برعکس بھارت میں اقلیتوں کے خلاف نفرت اورتشدد کو فروغ دیا جا رہا ہے۔
انہوں نے کہا کہ بھارت میں مساجد اور درگاہوں پر حملےمعمول بن چکے ہیں، بھارتی حکومت دوسروں پر تنقید کے بجائے مسلمانوں سمیت اپنی تمام اقلیتوں کے تحفظ کو یقینی بنائے۔