Getty Imagesخواتین نیند کا نیند سے متعلق پریشانیوں میں مبتلا ہونے کا زیادہ امکان ہے
’جب میں حاملہ تھی، تو مجھے گھر کا کام، اپنے شوہر کے کام اور اپنی نوکری سبھی کو دیکھنا پڑتا تھا۔ تب سے میں ٹھیک سے سو نہیں پائی ہوں۔ آج بھی میں نیند کی کمی کے مسئلے سے نبرد آزما ہوں۔‘
دہلی کی رہائشی بے نظیر حنا جو اب اکیلی ماں ہیں اور ایک نجی کمپنی میں کام کرتی ہیں لیکن وہ اس مسئلے کا سامنا کرنے والی تنہا عورت نہیں ہیں جنہیں نیند کے مسائل کا سامنا کرنا پڑتا ہے۔
حال ہی میں عالمی ہیلتھ ٹیکنالوجی کمپنی ’ریس میڈ‘ کی جانب سے نیند پر ایک سروے کیا گیا ہے۔ اس سروے کے مطابق دنیا بھر میں لاکھوں افراد ٹھیک سے نہ سونے کے مسئلے سے نبرد آزما ہیں۔
اسی سروے میں یہ بات بھی سامنے آئی کہ خواتین مردوں کے مقابلے میں نیند کے بحران سے زیادہ نبرد آزما ہیں۔
تاہم، زیادہ تر لوگ امریکن اکیڈمی آف سلیپ میڈیسن کے تجویز کردہ وقت کے مطابق سات گھنٹے کی نیند حاصل کرتے ہیں. لیکن ٹھیک سے نہ سونے والے افراد کی تعداد بھی کم نہیں ہے، جن کے پاس ہفتے میں تقریباً تین راتیں ہوتی ہیں جب وہ ٹھیک سے نہیں سوتے۔
ورلڈ ہیلتھ ٹیکنالوجی کمپنی ’ریس میڈ‘ کے ایک حالیہ سروے کے مطابق نیند کی کمی سے دوچار 22 فیصد افراد ایسے ہیں جو ڈاکٹر کے پاس نہیں جاتے اور اسے نظر انداز نہیں کرتے۔ امریکہ، جاپان اور سنگاپور میں یہ تعداد 33 فیصد اور آسٹریلیا میں 41 فیصد ہے۔
دنیا بھر میں کیے گئے اس سروے کے مطابق 29 فیصد افراد ہفتے میں تین یا اس سے زیادہ بار ٹھیک سے نہیں سوتے۔ جبکہ 34 فیصد افراد بے خوابی کا شکار ہیں۔
سروے میں تناؤ (57 فیصد)، اضطراب (46 فیصد) اور مالی تناؤ (31 فیصد) کو لوگوں کی نیند کے مسائل کی سب سے عام وجوہات قرار دیا گیا۔
تناؤ کی وجہ سے نیند کے مسائل سے دوچار ممالک میں انڈیا سب سے آگے ہے۔ اس رپورٹ کے مطابق 69 فیصد انڈینٹھیک سے سو نہیں پا رہے ہیں۔
جبکہ سنگاپور میں 65 فیصد، تھائی لینڈ میں 65 فیصد، جرمنی میں 61 فیصد اور جنوبی کوریا میں 67 فیصد افراد اس مسئلے سے نبرد آزما ہیں۔
عالمی سطح پر جین زی کے 53 فیصد افراد کو اضطراب کی وجہ سے نیند کے مسائل کا سامنا ہے۔
Getty Imagesعالمی ہیلتھ ٹیکنالوجی کمپنی 'ریس میڈ' کے سروے کے مطابق خواتین کو مردوں کے مقابلے میں نیند کے مسائل کا زیادہ سامنا ہےخواتین مردوں کے مقابلے میں کم کیوں سوتی ہیں؟
ریس میڈ کے گلوبل سلیپ سروے میں یہ بات بھی سامنے آئی ہے کہ مردوں کے مقابلے میں خواتین کو نیند کے مسائل کا شکار ہونے کا زیادہ امکان ہوتا ہے۔
اس سروے کے مطابق مرد ہفتے میں اوسطا 4.13 دن مناسب نیند لیتے ہیں۔ اس کے ساتھ ہی خواتین ہفتے میں صرف 3.83 دن ٹھیک سے سو پاتی ہیں۔
لافبورو یونیورسٹی سلیپ ریسرچ سینٹر کی ایک تحقیق کے مطابق خواتین دن بھر میں مختلف قسم کے کام کرتی ہیں جس کی وجہ سے انھیں مردوں کے مقابلے میں زیادہ اور بہتر نیند کی ضرورت ہوتی ہے۔
بے نظیر ایک نجی کمپنی میں کام کرتی ہیں، انھوں نے اپنی نیند کے مسائل کے بارے میں بی بی سی سے بات کی۔
ان کا کہنا تھا کہ ’کام کرنے والی خواتین کو مالی آزادی حاصل ہے لیکن کہیں نہ کہیں گھر اور دفتر دونوں کی ذمہ داری خواتین پر آتی ہے۔ نتیجتاً کام کرنے والی خواتین کو کام کرنے والے مردوں کے مقابلے میں زیادہ نیند کے بحران کا سامنا کرنا پڑ رہا ہے۔‘
عورتیں اگر گھر کا کام کرنا چھوڑ دیں تو کیا ہوگا؟کیا کم سونا آپ کو پورا دن تروتازہ رکھ سکتا ہے؟دنیا بھر میں بیویاں اپنے شوہروں سے کم کیوں کماتی ہیں؟خواتین مردوں کے مقابلے میں زیادہ شکر گزار کیوں ہوتی ہیں؟
خواتین کی صحت اور نیند کے بارے میں ایک مطالعہ سلیپ میڈیسن میں شائع کیا گیا تھا۔
اس تحقیق سے معلوم ہوا ہے کہ خواتین کو حیض کے دوران بے خوابی کے مسئلے کا سامنا کرنا پڑتا ہے۔
حمل کے دوران ہارمونز میں تبدیلی کی وجہ سے خواتین میں نیند کی بے قاعدگیاں برقرار رہتی ہیں۔
عالمی سطح پر ہونے والی تحقیق سے پتہ چلا ہے کہ مینوپاز کے دوران نیند کے مسائل کافی عام ہیں، جس سے 51 فیصد خواتین متاثر ہوتی ہیں۔
ہارمونل تبدیلیاں خواتین کی نیند کو کس طرح متاثر کرتی ہیں؟
بی بی سی نے اس بارے میں گائناکالوجسٹ ڈاکٹر سریتا شیام سندر سے بات کی۔
انھوں نے بتایا کہ حیض کے دوران ایسٹروجن (خواتین کے ہارمون) اور پروجیسٹرون ہارمونز کی سطح کم ہو جاتی ہے۔ ہر مہینے، حیض کے دوران اسی طرح ہارمونل تبدیلیاں ہوتی ہیں۔
ان کا کہنا ہے کہ ’بعض اوقات حیض بھی وقت سے پہلے اور بعد میں آتےہیں جبکہ بعض اوقات حیض میں زیادہ خون نکلتا ہے جس کی وجہ سے خون کی کمی بھی ہوتی ہے۔ جس کی وجہ سے خواتین تھکاوٹ محسوس کرتی ہیں۔ اور اس سے ان کی نیند متاثر ہوتی ہے۔‘
ڈاکٹر سریتا شیام سندر نے یہ بھی بتایا کہ حیض کے دوران پیٹ میں درد بھی خواتین کی نیند پر بہت اثر انداز ہوتا ہے۔
انڈیا میں نیند سے طلاق کے بڑھتے ہوئے واقعاتGetty Imagesصحت سے متعلق ورلڈ ٹیکنالوجی کمپنی ’ریس میڈ‘ کے ایک سروے کے مطابق انڈیا میں نیند سے طلاق کے سب سے زیادہ کیسز سامنے آئے ہیں
اپنے رشتے کو بچانے کے لیے بہت سے لوگ اپنے ساتھی سے الگ کمرے میں سونے کو ترجیح دیتے ہیں۔
انڈیا میں بہت سے جوڑے اس طریقے کو اپنا رہے ہیں۔ اسے نیند کی طلاق کہا جاتا ہے۔
سروے میں کل 30,026 افراد کو شامل کیا گیا تھا۔
گلوبل ہیلتھ ٹیکنالوجی کمپنی 'ریس میڈ' نے نیند کی طلاق پر ایک رپورٹ جاری کی ہے۔ اس رپورٹ کے مطابق تقریباً 18 فیصد جوڑے ہر رات الگ الگ سوتے ہیں۔
اس رپورٹ کے مطابق انڈیا وہ ملک ہے جہاں نیند کی طلاق کے سب سے زیادہ کیسز رپورٹ ہوئے ہیں۔
وہاں تقریباً 78 فیصد لوگ کبھی کبھی اپنے ساتھی سے الگ سوتے ہیں۔
امریکہ اور برطانیہ میں بھی لوگ نیند کی طلاق کا طریقہ اپنا رہے ہیں۔ دونوں ممالک میں جہاں 50 فیصد لوگ ہمیشہ ایک ساتھ سوتے ہیں اور 50 فیصد کبھی کبھار الگ الگ سوتے ہیں۔
کام کی جگہ کے مسائل نیند پر کس طرح اثر انداز ہوتے ہیںGetty Imagesایک سروے کے مطابق 70 فیصد ملازمین نے خراب نیند کی وجہ سے اپنے کیریئر میں کم از کم ایک بار نیند سے وقفہ لیا ہے
اچھی نیند ہمارے کام میں اچھی کارکردگی کا مظاہرہ کرنے کے لیے بہت ضروری ہے. اگر نیند اچھی طرح پوری نہ ہو تو یہ ہمارے کام کو متاثر کرتی ہے۔
امیریکن انسٹی ٹیوٹ آف میڈیسن کمیٹی آن سلیپ میڈیسن اینڈ ریسرچ کے مطابق اگر ہم روزانہ چھ گھنٹے یا اس سے کم سوتے ہیں تو ہمارا دماغ اسی طرح کام کرنا شروع کر دیتا ہے جیسے ہم بالکل نہیں سوتے۔
سب سے حیران کن بات یہ ہے کہ جن لوگوں کو مناسب نیند نہیں آتی، انھیں خود بھی احساس نہیں ہوتا کہ اس سے ان کے کام پر کتنا برا اثر پڑ رہا ہے۔
ماہر نفسیات ڈاکٹر پوجاشیوم جیٹلی نے بی بی سی کو بتایا کہ آج بھی خواتین کو اپنے کام کی جگہ میں مردوں کے مقابلے میں زیادہ کام کرنا پڑتا ہے جس کا براہ راست اثر ان کی نیند پر پڑتا ہے۔
سروے سے پتہ چلا ہے کہ 70 فیصد ملازمین نے اپنے کریئر میں کم از کم ایک بار خراب نیند کی وجہ سے ایک دن کی چھٹی لی ہے۔
یہ کام کرنے کی صلاحیت کو متاثر کرتا ہے۔
71 فیصد ملازمین نے اعتراف کیا کہ انھوں نے خراب نیند کی وجہ سے چھٹی لی تھی۔
انڈیا میں 80 فیصد ملازمین کا خیال ہے کہ ان کے باس ان کی نیند اور صحت کی پرواہ کرتے ہیں۔
اس کے مقابلے میں فرانس میں 68 فیصد، جرمنی میں 64 فیصد، ہانگ کانگ میں 63 فیصد اور برطانیہ میں 60 فیصد ملازمین کا کہنا ہے کہ ان کے مالکان کو نیند کی پرواہ نہیں ہے۔
ایک نجی کمپنی میں کام کرنے والی ایک اور خاتون نے نام ظاہر نہ کرنے کی شرط پر بی بی سی کو بتایا کہ بعض اوقات جب وہ بیمار ہوتی ہیں تو انھیں چھٹی حاصل کرنے میں مشکل پیش آتی ہے۔ یہاں تک کہ انھیں نوکری چھوڑنے کے لیے کہا جاتا ہے۔
’اگر ہم دوسری نوکری تلاش کرنے کے بارے میں سوچیں، تو کام کرنے والی خواتین جو مائیں ہیں، ان کے لیے دوسری نوکری تلاش کرنا مشکل ہو جاتا ہے۔ کوئی بھی انھیں نوکری نہیں دینا چاہتا۔‘
انھوں نے یہ بھی بتایا کہ نیند کی کمی کی وجہ سے انھیں ہجرت کے مسائل ہونے لگے ہیں۔
’سلیپ ڈائیورس‘ یا سوتے وقت کی طلاق: جوڑوں میں یہ نیا رجحان کیا ہے اور اس میں اضافہ کیوں ہو رہا ہے؟رات دیر تک جاگنے کی عادت سے بچنے کے طریقےبی بی سی میں مردوں کے مقابلے میں خواتین کی تنخواہ کمدنیا بھر میں بیویاں اپنے شوہروں سے کم کیوں کماتی ہیں؟