شہر قائد میں 2 روز کے دوران کانگو وائرس سے 2 افراد لقمہ اجل بن گئے۔
محکمہ صحت حکام کے مطابق سندھ انفیکشن ڈیزیز اسپتال میں انتقال کرنے والا 26 سالہ مریض ابراہیم حیدری کا رہائشی تھا جسے جناح اسپتال سے منتقل کیا گیا تھا۔
جمعرات کی صبح انتقال کرجانے والے مریض کوجناح اسپتال میں آئسولیشن وارڈ نہ ہونے کی وجہ سے سندھ انفیکشن ڈیزیز منتقل کیا گیا تھا۔
قبل ازیں 17 جون کو بھی کانگو وائرس سے متاثرہ شخص انتقال کرگیا تھا جو ملیر کا رہائشی تھا۔
حکام کے مطابق رواں برس اب تک کانگو وائرس سے 2 افراد کا انتقال ہوچکا ہے۔
طبی ماہرین کے مطابق کانگو وائرس جان لیوا ہے جس سے بچاؤ کے امکانات صرف 10 فیصد ہیں۔
کانگو وائرس جانوروں سے انسان اور انسان سے انسان میں منتقل ہوتا ہے۔
کانگو وائرس کی علامات میں مسوڑوں، ناک، فضلے میں خون آنا اور تیز بخار شامل ہے۔