Getty Images
امریکی ادارے بلوم برگ نے 2025 میں دنیا کے 25 امیر ترین خاندانوں کی فہرست جاری کر دی ہے اور اس برس ایک بار پھر وال مارٹ سُپر مارکیٹ کا مالک والٹن خاندان سرِفہرست نظر آتا ہے۔
گذشتہ برس اس خاندان کے اثاثوں کی کل مالیت 432 ارب ڈالر تھی، جس میں اس برس 81 ارب ڈالر کا اضافہ دیکھا گیا۔
دوسری جانب اس سال سعودی عرب کے شاہی خاندان ’آل سعود‘ کی دولت میں بھی نمایاں اضافہ دیکھا گیا اور بلوم برگ کی مرتب کردہ اس فہرست میں یہ خاندان اب تیسرے نمبر پر آ گیا ہے۔ واضح رہے کہ گذشتہ برس کی فہرست میں یہ خاندان چھٹے نمبر پر تھا۔
صرف یہ ہی نہیں بلکہ دنیا کے امیر ترین خاندانوں کی اس فہرست میں پہلے پانچ خاندانوں میں سے تین کا تعلق عرب دنیا سے ہے۔
اس کے علاوہ اس فہرست میں انڈیا کا امبانی خاندان آٹھویں نمبر پر موجود ہے۔
اس فہرست میں مزید خاندانوں کے نام بھی شامل ہیں۔ اس تحریر میں ہم اس فہرست میں شامل پہلے 10 خاندانوں کے بارے میں جانتے ہیں کہ ان کے پاس کتنی دولت ہے اور ان کے امیر ہونے کا راز کیا ہے۔
1) والٹن خاندانGetty Imagesوال مارٹ کے بانی سیم والٹن کی بیٹی ایلس والٹن
کُل دولت: 513 ارب ڈالر
ملک: امریکہ
والٹن خاندان تقریباً وال مارٹ چین کے 44 فیصد سٹورز کا مالک ہے اور یہی سُپر مارکیٹ ان کے پاس موجود دولت کی سب سے بڑی وجہ ہے۔
وال مارٹ کے دنیا بھر میں 10,750 سٹورز ہیں اور وہ ہفتہ وار بنیادوں پر 27 کروڑ کسٹمرز کو اپنی خدمات پیش کرتے ہیں۔
وال مارٹ کے بانی سیم والٹن نے انتہائی دانشمندی سے اپنی دولت تمام بچوں میں تقسیم کر دی تھی تاکہ کاروبار پر خاندان کی گرفت ہمیشہ مضبوط رہے۔
بلوم برگ کے مطابق وال مارٹ کی ترقی کی سب سے بڑی وجہ یہ ہے کہ انھوں نے اپنے اثاثوں کا تحفظ کیا اور ایسے کاروباری معاہدے کیے ہیں جس سے ان کی دولت میں کمی نہ آئے۔
2) آل نہیان خاندانGetty Imagesابو ظہبی کے حاکم شیخ محمد بن زاید آل نہیان متحدہ عرب امارات کے صدر بھی ہیں
کاروبار: تیل، انڈسٹریز
کُل دولت: 335 ارب امریکی ڈالر
ملک: متحدہ عرب امارات
متحدہ عرب امارات کے حکمراں آل نہیان خاندان کی تمام دولت کا سبب دراصل تیل کا کاروبار ہے۔
ابو ظہبی کے حاکم شیخ محمد بن زاید آل نیہان متحدہ عرب امارات کے صدر بھی ہیں۔
3) آل سعودGetty Imagesشاہی خاندان کے ایک ارب سے زیادہ کے اثاثے ولی عہد محمد بن سلمان کے کنٹرول میں ہیں
کاروبار: تیل، انڈسٹریز
کُل مالیت: 213 ارب ڈالر
ملک: سعودی عرب
گذشتہ برس کی نسبت اس سال آل سعود خاندان کی دولت میں خاصہ اضافہ دیکھا گیا۔ بلوم مبرگ کی گذشتہ سال کی فہرست کے مطابق اس خاندان کے پاس 140 ارب ڈالر کے اثاثے تھے جن میں اس برس 73 ارب ڈالر کا اضافہ دیکھا گیا۔
سعودی عرب کے شاہی خاندان کی دولت کی بنیاد بھی دراصل تیل کا کاروبار ہے۔ بلوم برگ نے اس خاندان کی دولت کا اندازہ گذشتہ 50 برسوں میں اس کے اراکین کو شاہی خزانے سے کی جانے والی ادائیگیوں سے لگایا۔
شاہی خاندان کے ایک ارب سے زیادہ کے اثاثے صرف ولی عہد محمد بن سلمان کے کنٹرول میں ہیں۔
4) ال ثانی خاندانGetty Imagesقطر کے حکمران ال ثانی خاندان کے مفادات تیل اور گیس کے کاروبار سے جُڑے ہیں
کاروبار: تیل، انڈسٹریز
کُل دولت: 199 ارب امریکی ڈالر
ملک: قطر
قطر کے حکمران ال ثانی خاندان کے مفادات تیل اور گیس کے کاروبار سے جُڑے ہیں۔ اس خاندان کے تقریباً تمام ہی افراد حکومت میں بڑی سیاسی ذمہ داریوں پر فائز ہیں اور متعدد شعبہ جات میں انڈسٹریاں چلا رہے ہیں۔
یہ ایک بہت بڑا خاندان ہے اور ملک کی حکمرانی اس کی چند شاخوں کے پاس ہے۔
یاد رہے کہ قطر نے ٹرمپ انتظامیہ کو اس سال کے شروع میں ایک لگژری جہاز کو عارضی طور پر ایئر فورس ون کے طور پر استعمال کرنے کی پیشکش کی تھی۔
5) ایغمیز خاندانGetty Imagesایغمیز کا شمار دنیا کی بڑی فیشن کمپنیوں میں ہوتا ہے اور ایکسل ڈومس اس کے چیف ایگزیکٹو آفیسر ہیں
کمپنی کا نام: ایغمیز
کُل دولت: 184 ارب ڈالر
ملک: فرانس
ایغمیز کا شمار دنیا کی سب سے بڑی فیشن کمپنیوں میں ہوتا ہے اور اس وقت اس کے مالک خاندان کی چھٹی پشت کے تقریباً 100 افراد اس کاروبار کو آگے بڑھا رہے ہیں۔
اس کمپنی کے چیف ایگزیکٹو آفیسر ایکسل ڈومس ہیں۔
6) کوک خاندانGetty Imagesآئل کمپنی فریڈرک، چارلس، ڈیوڈ اور ولیم کوک کو اپنے والد فریڈ کوک سے ورثے میں ملی تھی
کمپنی کا نام: کوک انڈسٹریز
کُل دولت: 150 ارب ڈالر
ملک: امریکہ
ایک آئل کمپنی چار بھائیوں فریڈرک، چارلس، ڈیوڈ اور ولیم کوک کو اپنے والد فریڈ کوک سے ورثے میں ملی تھی لیکن پھر اختلافات کے سبب صرف چارلس اور ڈیوڈ ہی اس کاروبار سے منسلک رہ پائے۔
اب اس خاندان کے متعدد کاروبار ہیں جن میں تیل، انرجی، کیمیکل، معدنیات، فنانس، تجارت اور سرمایہ کاری کے شعبوں سے منسلک کمپنیاں شامل ہیں۔
’22 امیر ترین خاندان‘: پاکستان کے ماضی کے امیر ترین خاندانوں کی دولت میں کمی کیسے ہوئی اور ارب پتیوں کی نئی فہرست میں کون شامل ہے؟’آل صباح‘: کویت کے طاقتور شاہی خاندان کی کہانی جو ملک پر 300 سال سے حکومت کر رہا ہےوہ امیر مسلم ریاست جہاں کے شہری نہ تو انکم ٹیکس دیتے ہیں اور نہ ہی اس ملک پر کوئی قرضہ ہےقطر: ماہی گیروں کی چھوٹی سی بستی دنیا کی امیر ریاست کیسے بنی؟Getty Imagesمارس کے مشہور ہونے کی سب سے بڑی وجہ چاکلیٹ سے بنی مصنوعات ہیں7) مارس خاندان
کمپنی کا نام: مارس، انکارپوریٹڈ
کُل دولت: 143 ارب ڈالر
ملک: امریکہ
مارس کے مشہور ہونے کی سب سے بڑی وجہ چاکلیٹ کی وہ مصنوعات ہیں جن سے ہم اکثر لُطف اندوز ہوتے ہوئے نظر آتے ہیں۔ ان مصنوعات میں ایم اینڈ ایم، ملکی وے اور سنِکر چاکلیٹ شامل ہیں۔
تاہم کمپنی کے پاس آنے والے آدھے سے زیادہ منافع کا سبب اس کی پالتو جانوروں کے لیے بنائی جانے والی مصنوعات ہیں۔
8) امبانی خاندانGetty Imagesمُکیش امبانی کے بیٹے اننت امبانی کی شاہانہ شادی نے دنیا بھر میں شہ سرخیوں میں جگہ بنائی تھی
کمپنی کا نام: ریلائنس انڈسٹریز
کُل دولت: 105 ارب ڈالر
ملک: انڈیا
مُکیش امبانی دنیا کی سب سے بڑی تیل کی ریفائنری کے انچارج ہیں۔ وہ ایک 27 منزلہ محل نما عمارت میں رہتے ہیں جسے دنیا کی سب سے مہنگی رہائشی عمارت بھی تصور کیا جاتا ہے۔
انھیں اور ان کے بھائی کو یہ کاروبار اپنے والد سے ورثے میں ملا تھا۔
سنہ 2024 میں مُکیش امبانی کے بیٹے اننت امبانی کی شاہانہ شادی نے دنیا بھر میں شہ سرخیوں میں جگہ بنائی تھی اور کئی دن تک جاری رہنے والی تقریبات میں فیس بک کے بانی مارک زکربرگ، امریکی صدر ڈونلڈ ٹرمپ کی بیٹی ایونکا ٹرمپ اور مائیکرو سافٹ کے بانی بل گیٹس نے بھی شرکت کی تھی۔
9) ورتھیمر خاندانGetty Imagesالین اور جرارڈ ورتھیمر کی دولت کا راز کوکو شانیل فیشن کمپنی ہے
کمپنی کا نام: شانیل
کُل دولت: 85 ارب ڈالر
ملک: فرانس
الین اور جرارڈ ورتھیمر کی دولت کا راز کوکو شانیل فیشن کمپنی ہے جس کی بنیاد ان کے دادا نے 1920 کی دہائی میں پیرس میں رکھی تھی۔
یہ خاندان نہ صرف فیشن ہاؤس کا مالک ہے بلکہ ان کے پاس دنیا کے پاس مہنگے ترین ریس کے گھوڑے اور انگور کے باغات بھی ہیں۔
اس خاندان کی دولت میں گذشتہ برس کے مقابلے میں تین ارب ڈالر کی کمی آئی ہے۔ بلوم برگ کی رپورٹ کے مطابق گذشتہ سال ان کے اثاثوں کی کل مالیت 88 ارب ڈالر تھی لیکن اس کے باوجود گذشتہ برس کی طرح یہ خاندان اب بھی فہرست میں نویں نمبر پر ہی براجمان ہے۔
10) تھامسن خاندانGetty Imagesتھامسن خاندان کے پاس تھامسن روئٹرز کمپنی کے 70 فیصد حصص ہیں
کمپنی: تھامسن روئٹرز
کُل دولت: 82 ارب ڈالر
ملک: کینیڈا
تھامسن خاندان کے پاس تھامسن روئٹرز کمپنی کے 70 فیصد حصص ہیں۔ کینیڈا کے امیر ترین خاندان پر دولت کے دروازے 1930 کی دہائی میں اس وقت کھلے جب روئے تھامسن نے انٹاریو میں پہلا ریڈیو سٹیشن کھولا تھا۔
ورتھیمر خاندان کی طرح گذشتہ برس کے مقابلے میں اس خاندان کی دولت بھی کم ہوئی۔ بلوم برگ کی رپورٹ کے مطابق گذشتہ سال ان کے اثاثوں کی کل مالیت 87 ارب ڈالر تھی تاہم گذشتہ برس کی طرح یہ خاندان اب بھی فہرست میں دسویں نمبر پر ہے۔
’22 امیر ترین خاندان‘: پاکستان کے ماضی کے امیر ترین خاندانوں کی دولت میں کمی کیسے ہوئی اور ارب پتیوں کی نئی فہرست میں کون شامل ہے؟پاکستان کے امیر ترین خاندانوں میں سے ایک ’داؤد فیملی‘ کون ہے؟ قطر: ماہی گیروں کی چھوٹی سی بستی دنیا کی امیر ریاست کیسے بنی؟متحدہ عرب امارات: ابوظہبی کے حکمران خاندان نے اپنی اور خطے کی قسمت کیسے بدلی؟’کیئو کا ارب پتی شہزادہ‘: پاکستانی لڑکا جو یوکرین کا ’سٹیل کنگ‘ بناتخت پڑی، ملک ریاض اور ڈی ایچ اے: راولپنڈی کے جنگل پر ’قبضے‘ کی کہانی