پولیس افسران و اہلکاروں کی ’مینٹل پروفائیلنگ‘ کرانے کا فیصلہ

ہم نیوز  |  Jan 14, 2020

لاہور: بڑھتی ہوئی ذہنی پریشاںیوں کے پیش نظر محکمہ پولیس پنجاب نے تمام افسران و اہلکاروں کی ’مینٹل پروفائیلنگ‘ کرانے کا فیصلہ کیا ہے۔

ذرائع کے مطابق تمام پولیس افسران و اہلکاروں کے نفسیاتی و ذہنی ٹیسٹ کرائے جائیں گے۔ اس حوالے سے پنجاب کے تمام پولیس ٹریننگ اسکولوں میں ماہر نفسیات تعینات کرنے کا بھی فیصلہ کیا گیا ہے۔

ذرائع کے مطابق محکمہ پولیس نے حکومت کو پولیس ٹریننگ اسکولز میں ماہر نفسیات کی تعداد بڑھانے کی درخواست کر دی ہے۔

ذرائع کا کہنا ہے محکمہ پولیس نے یہ فیصلہ ایس پی پرنسپل ٹریننگ اسکول روات ابرار حسین نیکو کارا کی خودکشی اور ایکاہلکار کی جانب سے پولیس افسر پر حملے کے بعد کیا گیا ہے۔

خیال رہے کہ ایس پی نیکو کارا نے کل یعنی سوموار کی شام خود کو گولی مار کر خود کشی کرلی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More