ملتان سلطانز نے اسلام آباد یونائیٹڈ کو 9 وکٹوں سے ہرایا

اردو نیوز  |  Mar 08, 2020

پاکستان سپر لیگ کے اہم میچ میں اسلام آباد یونائیٹڈ نے ملتان سلطانز کو با آسانی نو وکٹوں سے شکست دے دی۔

سلطانز نے 92 رنز کا ہدف ایک وکٹ کے نقصان پر 6.4 اوورز میں پورا کیا۔ 

راولپنڈی میں بارش اور گیلی آؤٹ فیلڈ کے سبب میچ  تاخیر سے شروع ہوا، جس کی وجہ سے میچ کو نو اوورز فی اننگز تک محدود کردیا گیا۔ 

مزید پڑھیں

سلطانز اور کراچی کنگز کا میچ بارش کی نذر

Node ID: 463336

پی ایس ایل فائیو کے ٹاپ پرفارمرز

Node ID: 463396

بارش سے متاثرہ میچ میں زلمی فاتح قرار

Node ID: 463461

ہدف کے تعاقب میں ملتان سلطانز کے اوپنر جیمز وینس نے شاندار بیٹنگ کا مظاہرہ کیا اور 24 گیندوں پر 61 رنز بنائے۔  معین علی نے پانچ گیندوں پر 14 رنز سکور کیے۔

سلطانز کی جانب سے اننگز کا آغاز ذیشان اشرف اور جیمز وینس نے کیا۔  جیمز وینس نے 20  گیندوں پرنصف سینچری مکمل کی۔

ملتان کو واحد نقصان ذیشان اشرف کی صورت میں اٹھانا پڑا، وہ 16 رنز بنا کر شاداب خان کی گیند پر انہیں کے ہاتھوں کیچ آؤٹ ہوئے۔

اس سے قبل اسلام آباد یونائیٹڈ نے پہلے کھیلتے ہوئے ملتان سلطانز کو جیت کے لیے 92 رنز کا ٹارگٹ دیا۔

مقررہ نو اوورز میں یونائیٹڈ نے سات وکٹوں کے نقصان پر 91 رنز بنائے۔

یونائیٹڈ کی جانب سے  لیوک رونکی اور کولن منرو نے اننگز کا آغاز کیا۔ لیوک رونکی 18 رنز بنا کر جنید خان کی گیند پر رلی روسو کے ہاتھوں کیچ آؤٹ ہوئے

کولن منرو کو عمران طاہر نے آؤٹ کیا۔ وہ 25 رنز بنا کر سہیل تنویر کے ہاتھوں کیچ آؤٹ ہوئے۔ انہوں نے تین چھکے اور ایک چوکا لگایا۔

یونائیٹڈ کو تیسرا نقصان کولن انگرم کی صورت میں اٹھانا پڑا۔ وہ معین علی کی گیند پر جیمز وینس کو کیچ تھما بیٹھے۔

اسلام آباد کے کپتان شاداب خان عمران طاہر کا شکار بنے۔ وہ 12 رنز بنا کر معین علی کے ہاتھوں کیچ آؤٹ ہوئے۔

ملتان سلطانز کی جانب سے عمران طاہر اور جنید خان نے دو دو وکٹیں حاصل کیں (فوٹو: ٹوئٹر)

آصف علی چار رنز بناکر جنید خان کی گیند ہر انہیں ہی کیچ تھما بیٹھے۔ 

یونائیٹد کی چھٹی وکٹ 81 کے مجموعی سکور پر گری جب رضوان حسین رن آؤٹ ہوئے۔ عماد بٹ بھی رن آؤٹ ہوئے۔ 

ملتان سلطانز کی جانب سے عمران طاہر اور جنید خان نے دو دو جب کہ معین علی نے ایک وکٹ حاصل کی۔

اس سے قبل ملتان سلطانز کے کپتان شان مسعود نے ٹاس جیت کر اسلام آباد یونائیٹڈ کو بیٹنگ کی دعوت دی۔ 

DON'T ANGRY ME!!!!

Imran Tahir has a more explosive celebration than usual as he dismisses Shadab!

Play & win cash prizes: https://t.co/Bmz3ZQ7b62 pic.twitter.com/YO0mRKXdha

— PakistanSuperLeague (@thePSLt20) March 8, 2020

راولپنڈی میں اتوار کی صبح  ہونے والی بارش کے سبب پنڈی کرکٹ سٹیڈیم کے آؤٹ فیلڈ میں پانی جمع تھا جس کی وجہ سے میچ مقررہ وقت دپہر دو بجے شروع نہیں ہوسکا۔ اب میچ چار بجے شروع ہوگا  اور میچ کو نو اوورز ایک اننگز تک محدود کر دیا گیا ہے۔

دونوں ٹیموں کے درمیان اس سے قبل کھیلے گئے میچ میں اسلام آباد یونائیٹڈ نے سلطانز کو آٹھ وکٹوں سے شکست دی تھی۔

Here are the lineups for this rain-shortened 9-over match. #IUvMS #HBLPSLV pic.twitter.com/zkaTtwtkaR

— PakistanSuperLeague (@thePSLt20) March 8, 2020

پوائنٹس ٹیبل پر ملتان سلطانز کی ٹیم چھ میچوں میں سے چار جیت کر نو پوائنٹس کے ساتھ سرفہرست ہے۔ جب کہ اسلام آباد یونائیٹڈ نے آٹھ میں سے تین میچ جیتے ہیں اور اس کے چھ پوائنٹس ہیں۔

اگر آج کے میچ میں یونائیٹڈ کو شکست ہوتی ہے توان کے  پلے آف تک رسائی کے امکانات کم ہو سکتے ہیں۔

اتوار کو دوسرے میچ میں لاہور کے قذافی اسٹیڈیم میں میزبان لاہور قلندرز کا مقابلہ کراچی کنگز سے ہو گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More