ہماری حکومت کا ایک اور وعدہ پورا ہوگیا، عمران خان

ہم نیوز  |  Mar 27, 2020

اسلام آباد: وزیراعظم عمران خان نے کہا ہے کہ آج ہماری حکومت کا ایک اور وعدہ پورا ہوگیا ہے۔

ہم نیوزکے مطابق سماجی رابطے کی ویب سائٹ ’ ٹوئٹر‘ پر جاری کردہ اپنے ایک پیغام میں انہوں نے کہا ہے کہ آئی سی ٹی سٹی ایپ کے ذریعے حکومت کو شہریوں کے دروازے پرپہنچا دیا گیا ہے۔

وزیراعظم عمران خان نے اس عزم کا بھی اظہار کیا ہے کہ اسلام آباد میں تجربے کے بعد یہ سروس ملک کے دیگر شہروں تک بھی پہنچائیں گے۔

Today my govt fulfilled another commitment when I launched the ICT City App bringing govt directly to ppl’s doorstep & all city depts together. This has become even more critical during this time of COVID 19 pandemic. As many as 43 different services are being provided online

— Imran Khan (@ImranKhanPTI)

وزیراعظم عمران خان نے وفاقی دارالحکومت اسلام آباد کے شہریوں کو سرکاری دفاتر کے چکرلگانے اور انہیں دیگر سہولتیں گھر کی دہلیز تک پہنچانے کے لیے موبائل ایپ کا اجرا کیا ہے۔

جدید، اہم اورمنفرد موبائل ایپ ضلعی انتظامیہ اورنیشنل انفارمیشن ٹیکنالوجی بورڈ کےاشتراک سےمتعارف کرائی گئی ہے۔

قطار نہ انتظار، اسلام آباد کے شہریوں کیلئے نئی ایپ کا اجرا

چیئرمین سی ڈی اے اوردیگرحکام نے وزیراعظم کو ایپ کے حوالے سے بریفنگ دیتے ہوئے بتایا ہے کہ ایپ کے تحت 43 مختلف سہولتیں شہریوں کوآن لائن فراہم کی جائیں گی۔

نئی ایپ متعارف کرانے کا مقصد شہریوں کو سرکاری دفاترمیں قطار و انتظارکی زحمت سے بچانا ہے۔

ایپ میں ای پولیسنگ، ایمرجنسی سروسز، ڈومیسائل، شناختی کارڈ کی سہولتیں شامل ہیں۔ نئی ایپ کے تحت شہری اراضی فرد، اسلحہ لائسنز، گاڑیوں کی رجسٹریشن اور ٹوکن ٹیکسزکی ادائیگی کر سکتے ہیں۔

وزیراعظم کا مزدور طبقے کے لیے 200 ارب روپے کے معاشی پیکج کا اعلان

نئی ایپ کے ذریعے پیدائش وڈیتھ سرٹیفکیٹ حاصل کرنے کی سہولتیں بھی دی گئی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More