جنگ زدہ اہل یمن پر سعودی اتحاد نے مذید قہر ڈھا دیا، تیل اور غذائی اشیا پر مشتمل 17 بحری جہاز وں کو سرحد پر روک دیا

سچ ٹی وی  |  Apr 10, 2020

یمن کی مسلح افواج کے ترجمان جنرل یحیی سریع نےسعودی اتحاد کے جنگ بندی کے دعوے کو مسترد کرتے ہوئے کہا ہے کہ حملے بدستور جاری ہیں۔امریکا اور اسرائیل کی پشت پناہی سے سعودی افواج نے مارچ دو ہزار پندرہ سے یمن پر حملوں کا سلسلہ شروع کر رکھا ہے۔۔۔

جنگ میں اب تک ہزاروں یمنی شہید،لا تعداد لاپتہ ہو چکے ہیں۔فضائی بم باری کے نتیجے میں شہر کے شہر ملبے کے ڈھیر میں تبدیل ہو چکے ہیں،ہزاروں لوگ بے گھر ہو چکے ہیں۔

کہیں ماوں سے ان کے لخت جگر چھن چکے ہیں،تو کہیں بچے سایہ پدری سے محروم ہو گئے،لاتعداد افراد بمباری کے نتیجے میں جانیں بچانے کے لیے بھاگتے ہوئے اپنے پیاروں سے ایسے بچھڑے کہ پھر مل نہ پائے،آج بھی لواحقین اپنے پیاروں کا سراغ ڈھونڈتے پھر رہے ہیں ،مگر اذیت انتظار ہے کہ ختم ہونے کا نام ہی نہیں لے رہی۔

سرحدی محاصرے کے باعث یمن میں شدید غذائی قلت پیدا ہو چکی ہے، طبی سہولیات اور ادویات کا بھی فقدان ہے ۔غریب اسلامی ملک کی بیشتر تنصیبات،اسپتال اورمساجد تک شہید ہو چکی ہیں۔اقوام عالم تمام صورت حال سے آگاہ ہونے کے باوجود خاموش تماشائی کا کردار ادا کر رہی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More