اسلام آباد: انتظامیہ نے تمام مزارات کھولنے کی اجازت دے دی

ہم نیوز  |  May 23, 2020

اسلام آباد: وفاقی دارالحکومت اسلام آباد کی انتظامیہ نے شہر کے تمام مزارات کھولنےکی اجازت دے دی ہے۔

ڈپٹی کمشنر اسلام آباد کی جانب سے جاری نوٹیفکیشن کے مطابق محکمہ اوقاف کےزیرانتظام مزارات ہفتےمیں 7 دن کھلےرہیں گے۔

انتظامیہ نے ہدایت کی ہے کہ مزارات میں حکومتی ہدایات اورایس اوپیز پرعملدرآمد کو یقینی بنایا جائے۔

مزید برآں ڈپٹی کمشنراسلام آباد نے شہر میں موٹرسائیکلزکےسائلنسرزکھولنے پردفعہ 144 نافذ کر دی ہے۔

اس ضمن میں جاری نوٹیفکیشن کےمطابق دفعہ 144کا اطلاق 4 روزکے لیے ہو گا۔

یاد رہے کہ کورونا وائرس کے پھیلاؤ کو روکنے کے لیے اسلام آباد کی انتظامیہ نے شہرکی تمام درگاہیں، مزارات بند کرنے کے احکامات جاری کیے تھے۔

ڈپٹی کمشنر اسلام آباد کی جانب سے جاری اعلامیے میں کہا گیا تھا کہ شہر کے تمام جمز، ٹریننگ کیمپس وغیرہ بھی 3 ہفتے کے لیے بند کر دیئے گئے ہیں جبکہ بچوں کے لیے پلینگ ایریا کو بھی بند کر دیا گیا ہے ۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More