وقت آگیا ہے،بلاول اور مریم نواز کیلئے عفت عمر کا مشورہ

سماء نیوز  |  Jun 30, 2020

ملک میں بڑھتی مہنگائی اورمخلتف مسائل کے باعث پاکستان تحریک انصاف کی حکومت کو مخلتف حلقوں کی جانب سے تنقید کا سامنا کرناپڑرہا ہے ، ایسے میں ماڈل اور ٹی وی میزبان عفت عمرکچھ مخلتف خیالات کے ساتھ سامنے آئی ہیں۔

عفت عمرنے پاکستان پیپلزپارٹی کے چیئرمین بلاول بھٹو اور اور مریم نوازشریف کو ٹیگ کرتے ہوئے مل کر مشترکہ طور پرحکومتی ذمہ داریاں سنبھالنے کا مشورہ دے ڈالا۔

سماجی رابطوں کی ویب سائٹ ٹوئٹر پر عفت نے لکھا ” میرے خیال سے اب وہ وقت ہے کہ پی پی پی اور پی ایم ایل این فورسز کو جوائن کرتے ہوئے مل کرپھر سے حکومت واپس لے لیں۔ پیپلز پارٹی پالیسی ترتیب دے اور مسلم لیگ ن ان پر عملدرآمد یقینی بنائے “۔

عفت نے مریم اور بلاول کیلئے یہ بھی لکھا کہ آپ لوگ اپنے ماہر افراد کو لے کر ایک ساتھ کام شروع کردیں۔

عفت نے یہ مشورہ کتنی سنجیدگی سے دیا یہ تووہی بہترجانتی ہیں۔

اس سے قبل اداکارفہد مصطفیٰ بھی وزیراعظم عمران خان سے سوال کرچکے ہیں کہ کیا میراآپ کو ووٹ دینا صحیح فیصلہ تھا؟۔

ٹوئٹرپراداکار نے لکھا تھا ” سر میں جانتا ہوں ملک چلانا کوئی آسان بات نہیں لیکن آپ کی اس بات ” یہ کوئی راکٹ سائنس نہیں ” کا کیا ہوا؟ جب آپ اپوزیشن میں تھے تو آپ ہمیں مستقل یہ بتاتے رہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More