پب جی گیم پرپابندی برقرار رہے گی یا نہیں؟ فیصلہ نہ ہوسکا

ہم نیوز  |  Jul 10, 2020

اسلام آباد: پب جی گیم پرپابندی برقراررہے گی یا نہیں؟ فیصلہ نہ ہوسکا۔ پی ٹی اے نے مزید مشاورت کا فیصلہ کرتے ہوئے شکایت کنندگان کو اعتراضات جمع کرانے کے لیے مہلت دے دی ہے۔

ہم نیوز کے مطابق پی ٹی اے نے فیصلہ کیا ہے کہ شکایات کنندگان دس جولائی تک اپنے اعتراضات بذریعہ ای میل جمع کراسکتے ہیں۔

پی ٹی اے ترجمان کے مطابق پی ٹی اے میں پب جی پرپابندی کے حوالے سے سماعت ہوئی جس میں درخواست گزار، پب جی کونسلر اور سول سوسائٹی کے افراد نے شرکت کی۔

ترجمان کے مطابق تمام افراد نے پابندی کے معاملے پر اپنا مؤقف پی ٹی اے کے سامنے رکھا۔ انہوں نے بتایا کہ اتھارٹی مزید مشاورت کے بعد آئندہ چند روزمیں فیصلہ کرےگی۔

ہم نیوز کے مطابق پی ٹی اے نے یکم جولائی سے پب جی گیم پرعارضی پابندی عائد کررکھی ہے۔

لاہورہائی کورٹ اور اسلام آباد ہائی کورٹ نے معاملہ پی ٹی اے کو بھیجا تھا۔ پب جی گیم کےنوجوانوں پرنفسیاتی اثرات کے باعث بندش کا فیصلہ کیا گیا۔

پب جی کی وجہ سے خودکشیاں، لاہور پولیس کا پابندی کیلئے اعلی حکام کو خط

لاہورمیں دوبچوں نے پب جی گیم کھیلنے کی اجازت نہ ملنے پرخود کشی کر لی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More