وقار زکا اور ٹیکنالوجی موومنٹ پاکستان نے پب جی پر سے پابندی ہٹوادی

بول نیوز  |  Jul 30, 2020

سوشل میڈیا ایکسپرٹ اور معروف میزبان وقار زکا کی محنت رنگ لے  ہی آئی، پی ٹی اے نے پب جی کے اوپر سے پابندی ہٹادی۔

وقار زکا اور ٹیکنالوجی موومنٹ پاکستان نے پب جی کے اوپر سے پابندی ہٹوانے کیلئے ناجانے کیا کیا اقدامات کیئے۔

سوشل میڈیا ایکسپرٹ وقار زکا نے سماجی رابطے کی ویب سائٹ ٹوئٹر اپنی نوعیت کا دنیا کا پہلا ڈیجیٹل دھرنا بھی دیا اور پاکستان کی تاریخ میں پہلی بار کسی ٹیکنالوجی کیلئے 4.6 ملین ٹوئٹز کیئے گئے۔

وقار زکا نے پب جی کو کھلوانے کیئے پاکستان کی تاریخ کی پہلی ٹوئٹر کمپیئن بھی چلائی۔

سوشل میڈیا ایکسپرٹ پب جی کھلوانے کیلئے روزانہ کی بنیاد پر 6 سے 8 گھنٹے کی لائیو ٹراسمیشن کرتے بھی نظر آئے۔

واضح رہے کہ پب جی سے پابندی ہٹانے کا فیصلہ پب جی انتطامیہ سے مذاکرات کے بعد کیا گیا، پب جی کمپنی کی لیگل ٹیم کی پی ٹی اے حکام سے اسلام آباد میں ملاقات ہوئی۔

ملاقات میں پب جی کمپنی کے نمائندے نے پی ٹی اے کے اعتراضات پر اتھارٹی کو بریف کیا، پی ٹی اے کی جانب سے پلیٹ فارم کے غلط استعمال بارے آگاہ کیا گیا۔

پی ٹی اے کی جانب سے پب جی انتظامیہ کی جانب سے لئے گئے اقدامات پر اطمعینان کا اظہار بھی کیا۔

ملاقات میں معلومات کے تبادلے اور شکایات کے ازالے کے لئے مکنزم تشکیل دینے پر اتفاق ہوا ہے۔

پب جی کی جانب سے پی ٹی اے کے ردعمل کو خوش آئندہ قرار دیا گیا ہے۔

پب جی گیم کی جانب سے پی ٹی اے کو مکمل تعاون کی یقین دہانی بھی کروائی گئی ہے۔

پب جی کی جانب سے پاکستان میں گیم پر سے پابندی اٹھانے کی درخواست کی گئی تھی۔

کمپنی کے مثبت رویہ کے پیش نظر گیم کو ان بلاک کرنے کا فیصلہ کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More