کینیڈا کی پارلیمان 6 اگست کو ایٹمی بمباری کی برسی منائے گی

نوائے وقت  |  Aug 04, 2020

 کینیڈا کی پارلیمان کی عمارت کے علامتی گھنٹہ گھر میں ہیروشیما اور ناگاساکی پر ایٹم بم گرائے جانے کو 75 سال مکمل ہونے پر یادگاری گھنٹہ بجایا جائے گا۔ ہیروشیما پر ایٹمی بمباری کی متاثرہ محترمہ سیتسوکو تھرلو نے اس منصوبے کا اعلان ایٹم اور ہائیڈروجن بموں کے خلاف عالمی سالانہ کانفرنس میں کیا۔کینیڈا کے دارالحکومت اوٹاوا میں واقع امن گھنٹہ گھر میں 6 اگست کو 75 بار گھنٹہ بجایا جائے گا جبکہ 3 روز بعد 9 اگست کو بھی یہی عمل دہرایا جائے گا۔ ان دونوں تاریخوں پر بالترتیب ہیروشیما اور ناگاساکی پر ایٹم بم گرایا گیا تھا۔ مذکورہ گھنٹہ ایٹمی بمباری کی یاد میں پہلی بار بجایا جائے گا۔ تھرلو نے کہا ہے کہ کینیڈا میں ایٹم بم متاثرین کی دلجوئی کی کوششوں سے ایٹم بموں کے خلاف آگہی میں اضافے کی عکاسی ہوتی ہے۔ محترمہ تھرلو کی عمر اس وقت 13 سال تھی جب ہیروشیما پر ایٹم بم گرایا گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More