اقوام متحدہ جنرل اسمبلی کے صدر وولکن بوزکر کی پاکستان آمد

ہم نیوز  |  Aug 10, 2020

اسلام آباد: اقوام متحدہ جنرل اسمبلی کے نومنتخب صدر وولکن بوزکر دو روزہ دورے پر پاکستان پہنچ گئے ہیں۔ گزشتہ ماہ ان کا دورہ فلائٹس کی وجہ سے منسوخ ہو گیا تھا۔

ہم نیوز کے مطابق اسلام آباد انٹرنیشنل ایئرپورٹ پر اعلیٰ حکام نے معزز مہمان کا استقبال کیا۔

اقوام متحدہ جنرل اسمبلی کے نو منتخب صدر پاکستان کی دعوت پر دورے پر پہنچے ہیں۔ وہ اپنے قیام کے دوران وزیراعظم عمران خان سے ملاقات کریں گے۔

ہم نیوز نے ذمہ دار ذرائع سے بتایا ہے کہ اقوام متحدہ جنرل اسمبلی کے صدر وولکن بوزکر کی وزیر خارجہ مخدوم شاہ محمود قریشی سے بھی تفصیلی ملاقات ہو گی۔

اس ضمن میں ذرائع کا کہنا ہے کہ وزیر خارجہ کی معزز مہمان سے ہونے والی ملاقات میں امن و استحکام، ترقی اور انسانی حقوق کے موضوعات پر تفصیلی گفتگو ہو گی۔

وولکن بوزکر پہلے ترک شہری ہیں جو اس اعلیٰ منصب کے لیے منتخب ہوئے ہیں۔ سفارتکاری میں تقریباً 40 سالہ تجربے کے حامل وولکن بوزکر نے اپنے انتخاب کے لیے ہونے والی خفیہ رائے شماری میں 178 ووٹ حاصل کیے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More