فیس بک کے ذریعے سائبر کرائم کرنے والوں کیلئے بری خبر

بول نیوز  |  Sep 19, 2020

پاکستان میں فیس بک کے ذریعے سائبر کرائم کرنے والوں کیلئے بری خبر سامنے آگئی ، وفاقی تحقیقاتی ایجنسی کے سائبرکرائم ونگ اور فیس بک کے درمیان ڈیٹا شیئرنگ پر اتفاق ہوگیا۔

تفصیلات کے مطابق ایف آئی اے سائبر کرائم ونگ کے افسران کی فیس بک انتظامیہ سے میٹنگ ہوئی جس میں سوشل میڈیا صارفین کی سائبر سیکیورٹی کو یقینی بنانے کے اقدامات پر گفتگو کی گئی جبکہ فیس بک ایکسپرٹ ٹیم نے سائبر کرائم کی تحقیقات کو تیز کرنے پر بھی اتفاق کر لیا۔

اس موقع پر وفاقی تحقیقاتی ایجنسی سائبر کرائم ونگ نے سوشل میڈیا جرائم سے نمٹنے کے لیے فیس بُک انتظامیہ سے ڈیٹا شئیرنگ کا معاہدہ کر لیا۔

فیس بُک انتظامیہ کے ساتھ معاہدہ ایف آئی اے سائبر کرائم ونگ کے ڈاریکٹر سائبر کرائم وینگ عامر فاروقی، ایڈشنل ڈاریکٹر عبدالقادر قمر نے کیا۔

فیس بک انتظامیہ اور ایف آئی اے سائبر کرائم ونگ کے درمیان معاہدے میں ایف آئی اے سائبر کرائم اور فیس بک انتظامیہ ڈیٹا شئیرنگ پر متفق ہوگئے جس کے تحت سوشل میڈیا صارفین کی سائبر سیکورٹی یقینی بنانے کیلئے نئے اقدامات کئے جائیں گے۔

ایف آئی اے کے ترجمان کا کہنا ہے کہ فیس بک انتظامیہ نے سائبر کرائم کا مقابلہ کرنے کیلئے ایف بی آئی کی پالیسی کے مطابق رابطے کی حامی بھر لی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More