چوری کرنے والے دو ملزمان گوگل میپ کی مدد سے کیسے ہوئے گرفتار؟ جانیے تفصیلات

سچ ٹی وی  |  Oct 29, 2020

کرناٹکا کی پولیس نے پیر کے روز مہارشٹرا سے تعلق رکھنے والے دو نوجوانوں کو گرفتار کیا, جو گوگل میپ سے مکان کی نشاندہی کر کے وہاں چوری کرتے تھے۔

پولیس نے ملزمان کے قبضے سے 28 لاکھ روپے مالیت کی گاڑی اور ساڑھے گیارہ لاکھ روپے کیش بھی برآمد کیا۔

پولسی کے مطابق گرفتار ہونے والے ملزمان کی شناخت پراسانت کروشی اور اوینش ادوکار کے ناموں سے ہوئی، دونوں ملزمان ریاست مہارشٹرا کے گاؤں اسپورالائی کے ضلع کھولا پور کے رہائشی ہیں۔

بیلاگاوی پولیس کے مطابق دونوں ملزمان نے گوگل میپ کی مدد سے گھر کا انتخاب کیا اور پھر چند روز تک ریکی کرتے رہے، چوری والے دن ملزمان گھر کے باہر بیٹھے ہوئے تھے اسی دوران پولیس نے انہیں دھر لیا۔

پولیس حکام کے مطابق ’ملزمان نے پہلے علاقے کا گشت کیا اور کئی روز سے بند گھروں کا انتخاب کیا، بعد ازاں انہوں نے گلی میں آمد و رفت دیکھنے کے لیے گوگل میپ کا استعمال کیا‘۔

تفتیشی افسر نے بتایا کہ ملزمان نے گزشتہ دنوں تین مکانوں کا صفایا کیا اور وہاں سے قیمتی زیورات چوری کیے جبکہ اس سے قبل دونوں ملزمان مہارشٹرا میں بھی کئی وارداتیں کرچکے ہیں‘۔

پولیس نے ملزمان کے خلاف سٹی تھانے میں مقدمہ درج کر کے انہیں عدالت میں پیش کیا جہاں جج نے مزید تفتیش کے لیے دونوں کو جوڈیشل ریمانڈ پر جیل بھیج دیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More