پاکستان اور زمبابوے کے درمیان ون ڈے سیریز کا آغاز ہو گیا

بول نیوز  |  Oct 30, 2020

پاکستان بمقابلہ زمبابوے کے پہلے ون ڈے میچ میں پاکستان کی جانب سے ٹاس جیت کر بیٹنگ کا فیصلہ کیا گیا ہے۔

تفصیلات کے مطابق زمبابوے کرکٹ ٹیم ایک روزہ اور ٹی ٹوئنٹی سیریز کےلیے پاکستان میں موجود ہے اور پاکستان اور زمبابوے کے درمیان ایک روزہ  سیریز کا پہلا میچ آج  راولپنڈی میں کھیلا جائے گا جودن 12 بجے شروع ہو چکا ہے۔

دونوں ٹیموں کے کپتان فتح کے لیے پرامید ہیں،قومی ٹیم کے نائب کپتان شاداب خان فٹنس مسائل کے باعث نمائندگی نہیں کر سکیں گے،نائب کپتان شاداب خان بائیں ٹانگ میں کھچاؤ کے باعث آؤٹ ہو گئے۔

پاکستا ن کرکٹ ٹیم کے کپتان بابر اعظم ایک روزہ میچ میں پہلی بار پاکستان کی قیادت کررہے ہیں جبکہ پہلے ون ڈے میں حارث رؤ ف زمبابوے کے خلاف ڈیبیو کریں گے۔

ٹیموں کو سخت سیکیورٹی میں مقامی ہوٹل سے اسٹیڈیم لایا گیا جبکہ ٹیموں کی آمد کے دوران سپیشل روٹ لگایا گیا۔

واضح رہےکہ دوسری جانب چئیرمین پاکستان کرکٹ بورڈ احسان مانی بھی راولپنڈی کرکٹ اسٹیڈیم پہنچ گئے ہیں، چیئرمین احسان مانی کے ہمراہ زمبابوے کرکٹ بورڈ کے آفیشلز بھی موجود ہیں ۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More