حکمران فرانسیسی مصنوعات کا بائیکاٹ کرنے کا اعلان کرے

بول نیوز  |  Oct 31, 2020

امیر جماعت اسلامی کراچی حافظ نعیم الرحمن نے کہا ہے کہ حکمران فرانسیسی مصنوعات کا بائیکاٹ کرنے کا اعلان کرے۔

تفصیلات کے مطابق امیر جماعت اسلامی کراچی حافظ نعیم الرحمن نے فرانس میں توہین آمیز خاکوں اور فرانسیسی صدر کا شان رسالت پر گستاخی کے خلاف احتجاجی مظاہرے سے خطاب کرتے ہوئے کہا کہ آج دنیا بھر میں احتجاج ریلیاں نکالی جارہی ہیں، ہر کلمہ گو انسان نبی سے محبت کا اظہار کرنے کے لیے سڑکوں پر موجود ہیں۔

حافظ نعیم الرحمن نے کہا کہ حکمران طبقہ اسلام دشمن طبقوں کا غلام بنا ہوا ہے، دنیا بھر میں سب سے بڑا بحران حکمرانوں کا ہے، صرف بیان دینے اور ٹویٹ کرنے سے مسئلہ حل نہیں گا۔

امیر جماعت اسلامی کراچی نے یہ بھی کہا کہ فرانس کےخلاف دوٹوک بیان دیا جائے اور حکمران فرانس کے سفیر کو واپس بھیجیں۔

حافظ نعیم الرحمن کا کہنا تھا کہ حکمران جمہوریت کے نام پر آمریت کا نظام قائم کیا ہوا ہے جبکہ ترک صدر رجب طیب اردگان کو خراج تحسین پیش کرتے ہیں جس نے ناموس رسالت پر قدم اٹھایا۔

امیر جماعت اسلامی کراچی حافظ نعیم الرحمن کا مزید کہنا تھا کہ اقوام متحدہ میں توہین رسالت پر قانون سازی کی جائے جبکہ یکم نومبر کو مزار قائد سے ایم اے جناح روڈ تک عظیم الشان ریلی نکالی جائے گی اور وہی آئندہ کے لائحہ عمل کا اعلان کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More