تینوں فارمیٹ کا کپتان بنائے جانے پر بابراعظم کا خصوصی فوٹو شوٹ

ہم نیوز  |  Nov 21, 2020

لاہور: پاکستان کرکٹ بورڈ (پی سی بی) نے تینوں فارمیٹ کا کپتان بنائے جانے پر بابراعظم کا خصوصی فوٹو شوٹ اور نئی ویڈیو جاری کر دی ہے۔

پی سی بی کی جانب سے سوشل میڈیا کے پلیٹ فارمز پر جاری ویڈیو میں دیکھا جا سکتا ہے کہ قومی ٹیم کے کپتان بابراعظم نے قذافی اسٹیڈیم لاہور کے اسٹینڈز اور گراؤنڈ میں اپنی تصاویر بنوائی ہیں۔

Presenting to you the all-format Pakistan captain, 🙌

— Pakistan Cricket (@TheRealPCB) November 20, 2020

یاد رہے کہ گزشتہ ہفتے پی سی بی نے اظہر علی کی جگہ بابراعظم کو قومی ٹیسٹ ٹیم کی کپتانی کی ذمہ داریاں سونپی تھیں۔

Look who is here at the Gaddafi Stadium, the home of Pakistan Cricket 👀#HarHaalMainCricket pic.twitter.com/VoBwAtFwcf

— Pakistan Cricket (@TheRealPCB) November 20, 2020

پی سی بی کی جانب سے جاری پریس ریلیز کے مطابق بطور ٹیسٹ کپتان بابر اعظم کی پہلی اسائنمنٹ دورہ نیوزی لینڈ ہو گا۔

اس حوالے سے بابراعظم کا کہنا تھا کہ وہ ٹیسٹ کپتان بننے پر وہ بہت فخراور خوشی محسوس کر رہے ہیں کیونکہ اب ان کا شمار ان چند کھلاڑیوں میں ہوگیا ہے کہ جنہوں نے کھیل کے سب سے اہم فارمیٹ میں پاکستان کی قیادت کی ہے۔

انہوں نے کہا کہ وہ یہ اضافی ذمہ داری اٹھانے کے لئے تیار ہیں اور اس سے ان کے اعتماد میں اضافہ بھی ہوگا ، انہوں نے کہا کہ انہیں یقین ہے کہ وہ اپنا کام اور بہتر انداز سے کرسکیں گے کیونکہ انہیں اس سفر میں تجربہ کارافراد کا ساتھ نصیب ہوگا۔

ان کا کہنا تھا کہ گزشتہ سیزن مشکل تھا اور جس طرح اس سیزن میں اظہر علی نے ٹیسٹ ٹیم کی قیادت کی وہ اس پر ان کا شکریہ ادا کرتے ہیں، یقین ہے کہ وہ ٹیم کے لیے بہترین کارکردگی کا مظاہرہ کرنے میں کوئی کسر نہیں چھوڑیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More