ٹویٹر نے ویریفکیشن پروگرام بحال کرنے کا اعلان کردیا

بول نیوز  |  Nov 25, 2020

ٹویٹر کی جانب سے 3 سال بعد ویریفکیشن پروگرام کو بحال کرنے کا اعلان کر دیا گیا ہے۔

مائیکرو بلاگنگ ویب سائٹ ٹویٹر کی جانب سے  2017 نومبرمیں اپنے پبلک ویریفکیشن فارم کو بند کیا گیا تھا جس کے ذریعے ٹویٹر صارفین اپنی بلو ٹک ویریفکیشن کی درخواست کرسکتے تھے۔

خیال رہے کہ ٹویٹر سرکاری افسران، عوام میں مقبول شخصیات اور زندگی کے مختلف شعبوں سے تعلق رکھنے والے افراد کے اکاونٹس کو ویری فائے کرتا تھا تاہم زائد درخواستوں کے باعث ٹویٹر نے یہ سروس معطل کر دی ہے۔

ٹویٹر ذرائع کا کہناہے کہ کمپنی اب ایک نئی پالیسی پر کام کر رہی ہے جس کے تحت پبلک ویریفکیشن کی درخواستیں 2021 سے دوبارہ کھولی جائیں گی۔

نئے پالیسی ڈرافٹ کے مطابق نئی چھ کیٹیگریز متعارف کروائی جائیں گی جن پر پورا اترنے والے اکاؤنٹ کو ویریفائی کیا جائے گا۔

اس سلسلے میں حکومتی عہدےدار، برانڈ اور کمپنیاں، ،نیوزایجنسیاں، ،انٹرٹینمنٹ اور کھیلوں سے وابستہ افراد مشہور شخصیات بھی اپنے اکاوںٹ ویریفائے کرنے کی درخواست دے سکیں گے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More