کھیلوں کا فروغ، سالانہ گرانٹس کے اجرا کی منظوری دیدی

بول نیوز  |  Nov 27, 2020

پنجاب میں کھیلوں کی ایسوسی ایشنز کے لیے سالانہ گرانٹس کے اجرا کی پنجاب حکومت نے منظوری دے دی۔

تفصیلات کے مطابق وزیراعلیٰ پنجاب عثمان بزدار نے کہا کہ اسپورٹس ایسوسی ایشنز کو گرانٹس شفاف طریقے سے جاری ہوں گے اور گرانٹ شفاف طریقے سے ہی استعمال ہوں گی۔

عثمان بزدار نے کہا کہ کھلاڑیوں کی حوصلہ افزائی کے لیے اقدامات کریں گے جبکہ سابق دور کی طرح پک اینڈچوز نہیں میرٹ پر کھلاڑیوں کی حوصلہ افزائی کی جائے گی۔

وزیراعلیٰ پنجاب کا کہنا تھا کہ کورونا کے باعث کھیلوں کی محدود سرگرمیوں کی اجازت دی گئی جبکہ کورونا کی صورت حال بہتر ہونے پر بڑے مقابلے کرائے جائیں گے۔

عثمان بزدار کا یہ بھی کہنا تھا کہ اس حوالے سے وزیراعلی نے مزید کہا کہ پنجاب گیمز کا دوبارہ اجرا پاکستان تحریک انصاف کی حکومت کا اعزاز ہے۔

وزیراعلیٰ پنجاب عثمان بزدار کا مزید کہنا تھا کہ کبڈی چیمپئن شپ کے انعقاد سے شائقین کو بہترین کھیل دیکھنے کو ملا ہےجبکہ عالمی اسپورٹس کے ساتھ علاقائی کھیلوں کو بھی فروغ دیا جائے گا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More