پی ٹی آئی کی حکومت کو معاشی قتل کرنے نہیں دیں گے، بلاول بھٹو زرداری

ہم نیوز  |  Nov 28, 2020

کراچی: چیئرمین پیپلز پارٹی بلاول بھٹو زرداری نے کہا ہے کہ پاکستان تحریک انصاف (پی ٹی آئی) کی حکومت کو معاشی قتل کرنے نہیں دیں گے۔

چیئرمین پیپلز پارٹی بلاول بھٹو زرداری نے اپنے ایک بیان میں کہا ہے کہ حکومت نے پاکستان اسٹیل ملز کے 4 ہزار 500 کارکنوں کو برطرف کر دیا ہے لیکن پیپلز پارٹی ہر ایک کو کام پر واپس لائے گی۔

انہوں نے کہا کہ اس تاریخی صنعتی اثاثہ کی سرزمین سندھ کے عوام کی ہے اور ہم پی ٹی آئی کی حکومت کو معاشی قتل کرنے نہیں دیں گے۔

اس سے قبل پیپلز پارٹی رہنما شیری رحمان نے پاکستان اسٹیل ملز کے ملازمین کی جبری برطرفی پر مذمت کرتے ہوئے کہا کہ اسٹیل ملز کے 5 ہزار سے زائد ملازمین کی برطرفی کی مذمت کرتے ہیں۔

انہوں نے کہا کہ تباہی سرکار جبری برطرفی کر کے اسٹیل ملز کو بیچ دے گی، ان ملازمین کی جبری برطرفی کا فیصلہ وزیر اعظم کی کابینہ نے کیا ہے۔

یہ بھی پڑھیں: 

شیری رحمان نے کہا کہ کورونا کے دوران لوگوں کو بے روزگار کرنا ظلم ہے جبکہ وزیر اعظم ہر ادارے کی نجکاری کر کے اپنی ناکامی چھپانا چاہتے ہیں۔

رہنما پیپلز پارٹی نے مطالبہ کیا کہ حکومت ملازمین کی جبری برطرفی کا فیصلہ واپس لے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More