سوشل میڈیا پر مہنگی چیزوں کا دکھاوا کرنیوالی خاتون کے گھر ڈاکا

روزنامہ اوصاف  |  Dec 01, 2020

ہانگ کانگ (ویب ڈیسک )سوشل میڈیا پر اکثر لوگ مہنگی برانڈز کی چیزیں اور مہنگے لائف اسٹائل کا دکھاوا کر کے صارفین کی توجہ مبذول حاصل کرتے ہیں لیکن کبھی کبھی یہ دکھاوا مہنگا بھی پڑجاتا ہے۔حال ہی میں ایک سوشل میڈیا انفلوئنسر کو بھی ایسا کرنا مہنگا پڑ گیا اور ڈاکوؤں نے ان کے گھر میں گھس کر قیمتی سامان کا صفایا کر دیا۔ہانگ کانگ کی نوجوان سوشل میڈیا انفلوئنسر اپنے انسٹاگرام اکاؤنٹ پر مہنگی مہنگی برانڈز  کی چیزیں مداحوں سے شیئر کرتی ہیں۔حال ہی میں ان کے گھر میں 3 ڈاکو گھس آئے جنہوں نے ان کا تقریباً 50 لاکھ ڈالرز کا قیمتی سامان چرایا۔سوشل میڈیا انفلوئنسر نے بتایا کہ وہ اپنے 6 ماہ کے بیٹے کے ساتھ ایک لگژری اپارٹمنٹ میں رہائش پزیر ہیں، گزشتہ دنوں رات میں 3 ڈاکو ان کے اپارٹمنٹ میں گھس آئے اور تیز دھار آلے کے زور پر یرغمال بنا کر ان کے 6 ماہ کے بیٹے، کام والی اور انہیں رسی سے باندھ دیا تھا۔خاتون نے بتایا کہ ایک ڈاکو نے ان پرتشدد بھی کیا اور پیسوں کے بارے میں پوچھا جس کے جواب میں انہوں نے کہا کہ وہ پیسے گھر میں نہیں رکھتی۔بعدازاں ڈاکوؤں نے ایک سوٹ کیس میں تمام قیمتی سامان ڈالا جس کی مالیت تقریباً 50 لاکھ ڈالرز تھی اور لے کر فرار ہوگئے۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More