برطانوی پارلیمنٹ میں مسئلہ کشمیر پر بات ہونا پاکستان کے موقف کی تائید ہے، وزیر خارجہ

بول نیوز  |  Jan 16, 2021

وزیر خارجہ شاہ محمود قریشی کا کہنا ہے کہ برطانوی پارلیمنٹ میں مسئلہ کشمیر پر بات ہونا پاکستان کے موقف کی تائید ہے۔

ملتان میں میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ برطانیہ کے ارکان پارلیمنٹ نے یکے بعد دیگرے کشمیر کے ایشو پر بات کی جوکہ پاکستان کے موقف کی تائید ہے۔

شاہ محمود قریشی نے کہا کہ  بھارت تاثر دے رہا ہے کہ مقبوضہ کشمیر کے حالات معمول پر لوٹ آئیں ہیں لیکن حالات اس کے بالکل برعکس ہیں۔ کشمیری 9لاکھ فوج کے ظلم کے سائے میں زندگی گزار رہے ہیں، آج بھی کشمیر میں نوجوانوں کو کشمیر میں اٹھایا جارہا ہے۔

 انہوں نے مزید کہا کہ برطانیہ کی پارلیمنٹ میں 11 ممبران نے کشمیر پر اپنا نقطہ نظر پیش کیا۔ برطانوی پارلیمنٹ کے تمام ممبران کا نقطہ نظر پاکستان کے نقطہ نظر کے مطابق تھا۔

وزیر خارجہ نے کہا کہ یورپی یونین کی پارلیمنٹ میں انسانی حقوق کی خلاف ورزیوں پر آوازیں اٹھ رہی ہیں۔ جو بائڈن سے بھی امید ہے کہ وہ بھارت کو انسانی حقوق پر تنبیح کریں گے  ۔

 ملائیشیا میں طیارہ تحویل میں لیے جانے سے متعلق انہوں نے کہا کہ میری معلومات کے مطابق پی آئی اے کا طیارہ لیز پر لیا گیا تھا جس کے مالک کے ساتھ تنازعہ چل رہا تھا۔ اس طیارے پر عدالت میں کیس چل رہا تھا۔

شاہ محمود قریشی نے مزید کہا کہ پی ٹی آئی واحد جماعت ہے جس نے تمام تفصیلات الیکشن کمیشن کو فراہم کیں۔ فارن فنڈنگ کیس پر پی ٹی آئی جواب دے رہی ہے اور دے گی ۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More