اسکولوں کو 50 فیصد بچے بلانے کی ہدایت کی ہے، یاسمین راشد

بول نیوز  |  Jan 18, 2021

پنجاب کی وزیر صحت ڈاکٹر یاسمین راشد کا کہنا ہے کہ  اسکولوں کو صرف 50 فیصد بچے بلانے کی ہدایت کی ہے۔

لاہور میں صوبائی وزیر صحت ڈاکٹر یاسمین راشد  کا پریس کانفرنس کر تے ہوئے کہنا تھا کہ جو اسکول اور کالجز ایس او پیز پر عملدرآمد نہیں کرے گا اسے بند کر دیں گے۔

ڈاکٹر یاسمین راشد نے کہا کہ  کورونا سے تمام صوبوں  میں پنجاب  سب سے کم متاثر ہواہے جبکہ پنجاب میں  سب سے زیادہ  متاثر  لاہور شہر ہوا ہے۔

انہوں نے مزید کہا کہ  پنجاب میں اب تک ایک لاکھ 49ہزار 7 82 کیسز رپورٹ ہو چکے ہیں جبکہ 4 ہزار 432 افراد اب تک  جاں بحق ہوئے ہیں۔

صوبائی وزیر صحت نے کہا کہ سب سے پہلے طبی عملہ کو ویکسین لگائی جائے گی ۔ طبی عملہ کے بعد 65 سال کے افراد کو ویکسین لگائی جائے گی۔ پوری دنیا میں اسی پروٹوکول کو فالو کیا جا رہا ہے۔

ڈاکٹر یاسمین راشد نے کہا کہ  5 لاکھ کے قریب ہیلتھ پروفیشنلز کو کورونا ویکسین لگے گی،  ابھی تک 3 لاکھ لوگ رجسٹرڈ  کیے  جاچکے ہیں۔ ویکسین لگانے کے لیے 637 افراد کو تربیت دی گئی ہے۔

انہوں نے کہا کہ  اب تک ہم 52 لاکھ فیملیز کو صحت کارڈ دے چکے ہیں، یہ کارڈ 2 کروڑ 22 لاکھ فیملیز بنتی ہیں۔2021  کے آخر تک تمام پنجاب کے افراد کو صحت کارڈ دے دیا جائے گا ۔

ڈاکٹر یاسمین راشد نے کہا کہ  پنجاب میں 4 اسپتال بنا رہے ہیں ۔  گجرانوالہ اسپتال کو ہم نے تیار کیا ، وزیر آباد کارڈیالوجی کو ہم نے 50 کروڑ دے کر چلایا ہے۔پہلی یونیورسٹی بنے گی جہاں صرف چائلڈ ہیلتھ پر کام ہو گا ۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More