رواں برس لوڈ شیڈنگ کی صورتحال بہتر ہو جائے گی، سی ای او کے الیکٹرک کا دعویٰ

بول نیوز  |  Jan 20, 2021

کے الیکٹرک کے سی ای او مونس علوی نے دعویٰ کیا ہے کہ رواں برس گرمیوں میں لوڈ شیڈنگ کی صورتحال  بہتر ہو جائے گی۔

تفصیلات کے مطابق  کے الیکٹرک کے سی ای او مونس علوی کا کہنا ہے کہ بی کیو پی ایس تھری کے پہلے یونٹ کے لیے جنریٹر اور ٹربائن کی تنصیب کا کام مکمل کرلیا گیا ہے ۔

مونس علوی کا کہنا ہے کہ  نئے پلانٹ کو گیس کی فراہمی کے لیے دو کلو میٹر طویل گیس لائن بچھائی جارہی ہے اور امید ہے کہ گرمیوں سے پہلے پلانٹ سے 450 میگاواٹ بجلی کی فراہمی شروع ہو جائے گی۔

انہوں نے دعویٰ کیا ہے بن قاسم پاور پلانٹ کا یونٹ فعال ہونے اور نیشنل گرڈ سے اضافی بجلی کے حصول کے بعد  میں2021 کی گرمیوں میں لوڈ شیڈنگ کی صورتحال  بہتر ہو جائے گی تاہم پلانٹ کو گیس فراہم کرنے کی ذمہ داری وفاق کی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More