کاسمیٹکس بنانے اور بیچنے کیلئے لائسنس لینا لازم

بول نیوز  |  Jan 21, 2021

پنجاب ڈرگ کنٹرول کا ترمیمی بل تیار کرلیا گیا، کاسمیٹکس بنانے اور بیچنے کے لیے حکومت سے لائسنس لینا لازم ہوگا۔

تفصیلات کے مطابق پنجاب ڈرگ کنٹرول کی جانب سے جاری ترمیمی بل میں کہا گیا ہے کہ بغیر لائسنس کاسمیٹکس بنانے پر پابندی ہوگی جبکہ بغیر لائسنس کاسمیٹکس بنانے اور بیچنے والوں کے خلاف قانونی کارروائی کا اختیار ہوگا۔

ڈرافٹ کے مطابق ڈرگ اتھارٹی کاسمیٹکس اشیاء کا لیبارٹری سے معائنہ کرائے گی اور متعلقہ اتھارٹی کی کلیئرنس کے بعد ہی کمپنی اپنی کاسمیٹکس مارکیٹ میں فروخت کرسکے گی جبکہ کمپنی کو ڈرگ اتھارٹی پر عدم اعتماد کی صورت میں عدالت سے رجوع کرنے کا اختیار حاصل ہوگا۔

محکمہ قانون نے بل حتمی منظوری کیلئے پنجاب اسمبلی کو ارسال کر دیا، پنجاب اسمبلی سے منظوری کے بعد اس قانون کا نفاذ جلد کر دیا جائے گا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More