دہشتگردوں کے خلاف سیکورٹی فورسز کو ملی بڑی کامیابی

بول نیوز  |  Jan 24, 2021

شمالی وزیرستان میں سیکیورٹی فورسز کے انٹیلی جنس بیسڈ آپریشنزکے دوران  کالعدم ٹی ٹی پی کمانڈر سید رحیم اور سیف اللہ نور سمیت پانچ دہشت گردمارے گئے۔

پاک فوج کےشعبہ تعلقات عامہ (آئی ایس پی آر) کی جانب سے جاری کردہ بیان کے مطابقشمالی وزیرستان کے علاقے میر علی میں سیکیورٹی فورسز نے خفیہ اطلاعات پر آپریشن کیا جس کے نتیجے میں پانچ دہشت گرد ہلاک ہو گئے۔

آئی ایس پی آر نے کہا کہ ہلاک ہونے والے دہشت گردوں میں تحریک طالبان پاکستان کے کمانڈر سید رحیم اور سیف اللہ نور بھی شامل تھے۔

آئی ایس پی آر نے یہ بھی کہا کہ دہشت گرد کمانڈر سید رحیم 2007سے اب تک 17دہشت گرد حملوں میں ملوث تھا جبکہ دہشتگرد کمانڈر سیدرحیم میرعلی کے4ملک،3انجینئرزکے قتل میں بھی ملوث تھے۔

آئی ایس پی آر نے مزید کہا کہ دہشت گرد کمانڈر سید رحیم میر علی اور وانا میں خود کش سنٹر زکا انچارج تھا اور سید رحیم کو ملک دشمن ایجنسیوں نے ٹارگٹ کلنگ کے لیے دہشت گرد بھرتی کرنے کا ٹاسک دیا تھا جبکہ سیف اللہ سیکیورٹی فورسزپربارودی سرنگوں کےحملوں میں ملوث تھا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More