اگر آپ نے گوگل کروم اپ ڈیٹ نہیں کیا تو فوری طور پر کریں

بول نیوز  |  Feb 06, 2021

گوگل کی جانب سے کروم 88 ورژن کو ونڈوز، میک اور لیونکس آپریٹنگ سسٹمز کے لیے متعارف کرانے کا سلسلہ شروع کردیا گیا ہے، اپ ڈیٹ میں ایک مسئلے کی روک تھام کی گئی ہے، جو کوئی معمولی نہیں بلکہ بہت بڑا مسئلہ ہے۔

 سیکیورٹی  ریسرچرمیتھائس بیولینس نے اپنے ایک بلاگ میں ویب براؤزر کے ویب اسمبلی اور جاوا اسکرپٹ انجن وی 8 میں خامیوں کو رپورٹ کیا گیا جو کہ ہیکرز کو کمپیوٹر کو ہیک کرنے کی سہولت فراہم کرسکتی ہیں۔

گوگل نے مسئلے کی تفصیلات ظاہر نہیں کیں اور اسے

CVE-2021-21148

 کا نام دیتے ہوئے بتایا کہ وہ بگ کی رپورٹس سے آگاہ ہے، تو کروم کو فوری اپ ڈیٹ کرلیں۔

گوگل کی جانب سے ایک بیان میں بتایا گیا کہ بگ کی تفصیلات اور لنکس کو اس وقت تک محدود رکھا جاسکتا ہے جب تک صارفین کی اکثریت براؤزر اپ ڈیٹ نہیں کرلیتے، جس میں بگ کو فکس کرنے کے لیے اپ ڈیٹ بھی موجود ہے۔

گوگل کا کہنا تھا کہ اگر تھرڈ پارٹی لائبریری میں بھی بگ موجود ہوا تو پابندیوں کو برقرار رکھا جائے گا۔ بگ جو بھی ہو صارفین کو اپنے براؤزر کو اپ ڈیٹ کرلینا چاہیے۔

خیال رہے کہ گوگل کروم کے ورژن 88 میں نئے پاس ورڈ منیجر کا اضافہ بھی کیا گیا ہے جو پاس ورڈ سیکیورٹی میں معاونت فراہم کرے گا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More