جمائما گولڈ اسمتھ نے سجل علی کو لیجنڈ قرار دے دیا

بول نیوز  |  Feb 18, 2021

وزیر اعظم عمران خان کی سابقہ اہلیہ و برطانوی پروڈیوسر جمائما گولڈ اسمتھ نے اداکارہ سجل علی کو لیجنڈ قرار دے دیا۔

تفصیلات کے مطابق جمائما گولڈ اسمتھ کی جانب سے سماجی رابطے کی ویب سائٹ ٹوئٹر پر سجل علی اور بھارتی سینئر اداکارہ شبانہ اعظمی کے ساتھ دو تصاویر شیئر کی گئی ہیں۔

متعلقہ خبرسجل علی کی جمائما گولڈ اسمتھ کے ساتھ تصویر وائرل

پاکستان شوبز انڈسٹری کی ہر دل عزیز اداکارہ سجل علی کی جمائما...

I get to work with these South Asian screen legends Shabana Azmi and Sajal Ali … @Iamsajalali @AzmiShabana pic.twitter.com/QXdGUK5Tbi

— Jemima Goldsmith (@Jemima_Khan) February 17, 2021

جمائما گولڈ اسمتھ کی جانب سے اپنے ٹوئٹ کے کیپشن میں دونوں اداکاراؤں کو جنوبی ایشیا کی لیجنڈ اداکارائیں قرار دیا گیا ہے۔

ٹوئٹر پر شیئر کی گئی تصویر میں جمائما گولڈاسمتھ دونوں تصاویر میں سجل علی اور شبانہ اعظمی کے ساتھ خوشگوار موڈ میں نظر آ رہی ہیں۔

جمائما گولڈ اسمتھ کا کہنا ہے کہ ’وہ جنوبی ایشیا کی دو لیجنڈ اداکاراؤں کے ساتھ کام کر رہی ہیں۔

تاہم جمائما گولڈ اسمتھ نے ان دونوں فنکاروں کو ٹوئٹر پر ٹیگ بھی کیا ہے۔

واضح رہے کہ غیر ملکی میڈیا رپورٹس کے مطابق مزکورہ فلم کی کہانی جمائما خان نے خود لکھی ہے جو اِن کی وزیراعظم عمران خان کے ساتھ محبت اور شادی کی کہانی سے متاثر ہو کر لکھی گئی ہے۔

اداکارہ سجل علی برطانوی فلم پروڈیوسر جمائما گولڈ اسمتھ کی پروڈکشن میں بننے والی فلم میں جلوہ گر ہوں گی جس کی تصدیق خود جمائما گولڈ اسمتھ نے اپنے سوشل میڈیا پیغام کے ذریعے کی تھی۔

جمائما کی پروڈکشن میں بننے والی فلم ’واٹس لو گاٹ ٹو ڈو وِد اِٹ‘ کی شوٹنگ لندن میں شروع ہوگئی ہے، جسے شیکھر کپور ڈائیریکٹ کر رہے ہیں۔

جبکہ اس فلم کی کاسٹ میں شبانہ اعظمی بھی شامل ہوں گی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More