یوٹیلیٹی اسٹورز پر گھی کی فی کلو قیمت میں 30 روپے تک اضافے کی منظوری

بول نیوز  |  Feb 19, 2021

اقتصادی رابطہ کمیٹی (ای سی سی) نے یوٹیلیٹی اسٹور زپر گھی کی فی کلو قیمت میں 30 روپے تک اضافے  کی منظوری دے دی۔

تفصیلات کے مطابق  وزیر خزانہ  ڈاکٹر عبدالحفیظ شیخ کی زیر صدارت اقتصادی رابطہ کمیٹی ( ای سی سی ) کا اہم اجلاس  ہوا۔

ذرائع کا کہنا ہے کہ اجلاس میں  یوٹیلیٹی اسٹورز پر گھی کی فی کلو قیمت میں 30 روپے تک اضافے کی منظوری دی گئی جبکہ  رمضان کے مہینے تک چینی، آٹے، چاول اور دالوں کے نرخ برقرار رہیں گے۔

ای سی سی ذرائع کا کہنا ہےکہ وزارت توانائی کی جانب سےدو اہم سمریاں  بھی منظور کی گئیں۔

ذرائع کا مزید کہنا ہے کہ  آف شور سپلائی کنٹریکٹرز کو ادائیگیوں پر ٹیکس عائد کرنے اور  بجلی بلوں پر10پیسے فی یونٹ نیلم جہلم سرچارج ختم کرنے کی  منظوری  دی گئی۔

ذرائع کا کہنا ہے کہ احساس پروگرام کے لیے کمیونیکیشن سپورٹ کی منظوری  بھی دی گئی ہے  جبکہ  این سی او پی کے لیے حکومتی خودمختار گارنٹی کی منظوری بھی دے دی گئی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More