جمائما نے ’پاکستان زنده باد‎‘ کا نعرہ لگادیا

روزنامہ اوصاف  |  Feb 21, 2021

لندن (ویب ڈیسک )برطانوی فلم پروڈیوسر جمائما گولڈ اسمتھ کو خبروں میں رہنے کا اور پاکستانیوں کا دل جیتنے کا فن خوب آتا ہے، سوشل میڈیا پیغامات میں بھی وہ پاکستانیوں کو سراہتی نظر آتی ہیں۔حال ہی میں انہوں نے پاکستانی نژاد برطانوی کامیڈین اداکار عاصم چوہدری کے ٹوئٹ پر ردعمل دیتے ہوئے ’پاکستان زندہ باد‘ لکھا اور ساتھ ہی پاکستان کا جھنڈا اور لال دلوالے ایموجی کا استعمال کیا۔یہاں یہ بات قابلِ ذکر ہے کہ عاصم چوہدری نے بھی جمائما کے ساتھ تصویریں شیئر کرتے ہوئے کہا کہ ’پاکستان کی لیجنڈ اور ساتھ ایک گنجے سر والا نوجوان۔‘عاصم نے بھی اپنے ٹوئٹ میں پاکستان کا جھنڈا اور برطانیہ کے جھنڈے کا استعمال کیا تھا، اور ساتھ ہی ہرے دل والی ایمواجی کا بھی اضافہ کیا تھا۔خیال رہے کہ جمائما گولڈ اسمتھ کی پروڈکشن میں بننے والی فلم ’واٹس لو گاٹ ٹو ڈو وِد اِٹ‘ کی دھوم ہے۔غیر ملکی میڈیا رپورٹ کے مطابق فلم ’واٹس لو گاٹ ٹو ڈو وِد اِٹ‘ کی کہانی جمائما نے خود لکھی ہے جو ان کی وزیراعظم عمران خان کے ساتھ محبت اور شادی کی کہانی سے متاثر ہو کر لکھی گئی ہے۔اس فلم کے ڈائریکٹر شیکھر کپور ہیں، شیکھر کپور مشہور فلم مسٹر انڈیا سمیت کئی بالی ووڈ اور ہالی ووڈ فلمیں بنا چکے ہیں، بالی ووڈ فلم ساز شیکھر کپور کو ان کے پراجیکٹ ’الزبتھ: دی گولڈن ایج‘ کو 2007 میں اسکر ایوارڈ سے نوازا گیا تھا اس فلم میں کیٹ بلانشیٹ نے اداکاری کے جوہر دکھائے تھے۔Pakistan Zindabad 🇵🇰❤️ https://t.co/l1uimKJ0Ol

— Jemima Goldsmith (@Jemima_Khan) February 19, 2021
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More