محمد رضوان اور فواد عالم کی سینٹرل کنٹریکٹ میں ترقی

بول نیوز  |  Feb 24, 2021

پاکستان کرکٹ بورڈ(پی سی بی) نے  اعلیٰ  کارکردگی پر محمد رضوان اور فواد عالم کی سینٹرل کنٹریکٹ میں ترقی کردی۔

تفصیلات کے مطابق  رواں  سیزن میں عمدہ کارکردگی کا مظاہرہ کرنے پر پی سی بی  نے ٹیسٹ کرکٹر آف دی ائیر 2020، محمد رضوان اور فواد عالم کو پی سی بی سینٹرل کنٹریکٹ کی لسٹ برائے 21-2020 میں ترقی دے دی ہے۔

28 سالہ محمد رضوان کو سینٹرل کنٹریکٹ کی بی کٹیگری سے ترقی دے کر اب اے کٹیگری کا حصہ بنادیا گیا ہے۔ اس کٹیگری میں وکٹ کیپر بیٹسمین کے علاوہ کپتان قومی کرکٹ ٹیم بابراعظم، اظہر علی اور شاہین شاہ آفریدی شامل ہیں۔

محمد رضوان رواں سیزن ٹیسٹ کرکٹ میں پاکستان کی جانب سے سب سے زیادہ رنز بنانے والے بیٹسمین ہیں۔ وہ  7 ٹیسٹ میچوں میں 52.90کی اوسط سے 529 رنز بناچکے ہیں ۔

ٹی ٹوئنٹی کرکٹ کی اس فہرست میں ان کا نمبر تیسرا ہے۔ ٹی ٹوئنٹی فارمیٹ میں وہ  65 کی اوسط سے 325 رنز بناچکے ہیں۔ زمبابوے کے خلاف تین ون ڈے انٹرنیشنل میچوں میں انہوں نے 25 رنز بنائے ہیں۔

Rizwan and Fawad promoted to Category A and C, respectively

Media release: https://t.co/aHry4PtSel

— PCB Media (@TheRealPCBMedia) February 24, 2021

اس  دوران محمد رضوان نے ٹیسٹ کرکٹ میں وکٹوں کے پیچھے 16 ، ٹی ٹوئنٹی کرکٹ میں 8 اور ون ڈے انٹرنیشنل کرکٹ میں 3 شکار کیے ۔

رواں سیزن میں پاکستان نے انگلینڈ، زمبابوے، نیوزی لینڈ اور جنوبی افریقہ کے خلاف کرکٹ سیریز کھیلیں۔ ابھی جنوبی افریقہ اور زمبابوے کے خلاف اوے  سیریز اس سیزن میں باقی ہیں۔

عمدہ کارکردگی کا مظاہرہ کرنے والے کھلاڑیوں کو نوازنے کی پالیسی کے تحت پی سی بی نے فواد عالم کو ڈومیسٹک کرکٹ کی اے پلس کٹیگری سے سینٹرل کنٹریکٹ کی سی کٹیگری میں ترقی دے دی ہے۔

پی سی بی نے ٹی ٹوئنٹی اسپیشلسٹ  محمد حفیظ کو بھی سینٹرل کنٹریکٹ کی سی کٹیگری کی پیشکش کی تھی مگر انہوں نے اسے قبول کرنے سے معذرت کرلی۔

فواد عالم نے حال ہی میں نیوزی لینڈ اور جنوبی افریقہ کے خلاف ٹیسٹ سیریز میں دو سنچریاں اسکور کیں۔ اس دوران انہوں نے 6 ٹیسٹ میچوں کی 11 اننگز میں 2 سنچریاں بنائیں ۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More