ملکی تاریخ میں پہلی بار اسٹیٹ بینک کی بڑی رقم چوری،پولیس نے ریلوے ملازم سمیت ملزمان کو ڈرامائی انداز میں گرفتار کرلیا

روزنامہ اوصاف  |  Feb 25, 2021

بہاولپور ( مانیٹرنگ ڈیسک) ملکی تاریخ میں پہلی بار اسٹیٹ بینک کی بڑی رقم چوری،پولیس نے ریلوے ملازم سمیت ملزمان کو ڈرامائی انداز میں گرفتار کرلیا۔تفصیلات کے مطابق10فروری کو اسٹیٹ بینک کے 17 ارب روپے کی کھیپ اور پرائز بانڈز پر مشتمل نقدی کراچی سے فیصل آباد منتقل کی جارہی تھی کہ رات کے وقت سمہ سٹہ ریلوے اسٹیشن پر 50 لاکھ روپے چوری کرلیے گئے۔نجی ٹی وی چینل اے آر وائی نیوز کے پروگرام باخبر سویرا میں بیورو چیف ملتان یاسر شیخ نے واردات کی تفصیلات سے آگاہ کرتے ہوئے بتایا کہ یہ واقعہ نہ صرف پاکستان بلکہ اسٹیٹ بینک اور ریلوے کی تاریخ میں پہلی بار پیش آیا۔نمائندے کے مطابق ملزم صاد ق سیال نے اپنے دو بیٹوں اور داماد کے ساتھ مل کر ورادات کی، تحقیقاتی ٹیم نے واردات میں 8سے زائد افراد کے کے شامل ہونے کا انکشاف کیا ہے۔دوسری جانب پولیس حکام کا کہنا ہے کہ ملزم ساجد سیال کے گھر سے 30 لاکھ روپے برآمد کیے گئے جبکہ ملزم کی نشاندہی پر اس کے بہنوئی محمد زبیر کے گھر سے 29لاکھ 34ہزار400 روپے برآمد کرلیے گئے ہیں
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More