فوج ایران کو جوہری ہتھیار کے حصول سے روکنے کی تیاری کررہی ہے، اسرائیلی وزیر دفاع

ہم نیوز  |  Feb 26, 2021

تل ابیب: اسرائیل کے وزیر دفاع بینی گینٹز نے خبردار کیا ہے کہ اسرائیلی افواج ایسی صورتحال کی تیاری کررہی ہے جس میں ہم ایران کو جوہری ہتھیارحاصل کرنے سے روکنے پر مجبور ہو سکتے ہیں۔

عالمی خبر رساں ایجنسی کے مطابق اسرائیلی وزیر دفاع نے کہا کہ یہ ذاتی جنگ نہیں ہے بلکہ یہ پورے ملک کا مشن ہے۔ انہوں نے کہا کہ ہمیں اپنے اتحادیوں کے ساتھ مل کر کام کرنا ہوگا۔

عرب میڈیا کے مطابق اسرائیل نے ایران پر بین الاقوامی جوہری توانائی ایجنسی کی کوششوں کو تباہ کرنے کا الزام عائد کرتے ہوئے اس بات پر زور دیا ہے کہ تہران سرخ لکیر کو عبور کر کے یورینیم کی افزودگی جاری رکھے ہوئے ہے مگر اسرائیل ایران کی اس پیش قدمی پر خاموش نہیں رہے گا۔

اسرائیلی وزیر خارجہ گیبی اشکنازی نے بھی گزشتہ روز اپنے ایک ایک بیان میں کہا ہے کہ ایران افزودہ شدہ یورینیم کا ذخیرہ کرنے کے حوالے سے دھوکہ دہی سے کام لے رہا ہے۔ انہوں ںے الزام عائد کیا کہ ایران کا اصل مشن جوہری ہتھیاروں کا حصول ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More