چئیرمین سینیٹ پی ٹی آئی رہنما کو منانے میں کامیاب

بول نیوز  |  Mar 02, 2021

سینیٹ الیکشن کی تیاریاں اور سیاسی جوڑ توڑ عروج پر، چئیرمین سینیٹ صادق سنجرانی کی کاوشیں رنگ لے آئیں۔

تفصیلات کے مطابق سینیٹ کے چئیرمین صادق سنجرانی پاکستان تحریکِ انصاف (پی ٹی آئی) کے رہنما سردار یار محمد رند کو منانے میں کامیاب ہو گئے۔

 صادق سنجرانی کی سردار یار محمد رند سے ملاقات ہوئی ، جس دوران سینیٹ انتخابات کے حوالے سے بات چیت ہوئی۔

ذرائع کے مطابق چئیرمین سینیٹ صادق سنجرانی نے پی ٹی آئی رہنما سردار یار محمد رند کو ان کے بیٹے کو دستبردار کرانے کے لیے راضی کر لیا ہے۔

ذرائع نے مزید بتایا ہے کہ یار محمد رند اپنے صاحبزادے کو اتحادی جماعت کے حق میں دستبردار کرانے کا اعلان کریں گے۔

واضح رہےکہ سردار یار رند وزیراعلی بلوچستان کے ہمراہ اب سے کچھ دیر بعد اہم پریس کانفرنس کریں گے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More