ایک طرف ہم دوسری طرف مافیا ہے، اراکین اسمبلی سے رابطہ رکھونگا: وزیراعظم

ہم نیوز  |  Mar 02, 2021

اسلام آباد: وزیراعظم عمران خان نے کہا ہے کہ سینیٹ الیکشن ہم جیتیں گے۔ انہوں ںے یقین دہانی کرائی کہ وہ اراکین اسمبلی کے ساتھ اب مسلسل رابطہ رکھیں گے۔

ہم نیوز کے مطابق انہوں ںے یہ بات اراکین اسمبلی کے اعزاز میں دیے جانے والے ظہرانے کے موقع پر بات چیت کرتے ہوئے کہی۔ وزیراعظم کی جانب سے دیے گئے ظہرانے میں پاکستان تحریک انصاف اور اس کی اتحادی جماعتوں کے اراکین اسمبلی نے شرکت کی۔

ذرائع کے مطابق ظہرانے میں شریک تمام ارکان اسمبلی نے حکومتی امیدواروں کو ووٹ دینے کی یقین دہانی کرائی۔

ہم نیوز نے ذرائع سے بتایا ہے کہ اراکین اسمبلی کو دیے جانے والے ظہرانے میں مچھلی، مٹن قورمہ، مرغی اور دال ماش پیش کی گئی جب کہ میٹھے میں کھیر رکھی گئی تھی۔

ہم نیوز نے ذرائع سے بتایا ہے کہ وزیراعظم نے کہا کہ سینیٹ انتخابات جیت کر عوامی مفاد کی قانون سازی کریں گے۔ انہوں ںے کہا کہ ایک طرف ہم ہیں دوسری طرف مافیا کھڑا ہے۔ ان کا کہنا تھا کہ غریب کے حالات بہتر کرنے کی کوشش کررہے ہیں۔

سینیٹ الیکشن سے ایک روز قبل وزیراعظم کی اہم ملاقاتیں

وزیر اعظم نے تمام ارکان اسمبلی کو کل بروقت اسمبلی پہنچنے کی ہدایت کی۔ ظہرانے میں حکومتی اتحادی ارکان نے بھی حفیظ شیخ اور فوزیہ ارشد کی حمایت کا اعلان کیا

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More