نیوزی لینڈ نے بھارت سے آنے والوں کے داخلے پر پابندی لگا دی

ہم نیوز  |  Apr 08, 2021

ولنگٹن: نیوزی لینڈ نے بھارت سے آنے والے افراد کے ملک میں داخلے پر پابندی لگا دی۔

غیر ملکی خبر رساں ایجنسی کے مطابق بھارت میں کورونا کے بڑھتے کیسز کے باعث نیوزی لینڈ نے بذریعہ بھارت نیوزی لینڈ آنے والے اور بھارتی شہریوں کے ملک میں داخلے پر عارضی پابندی عائد کی گئی ہے۔

نیوزی لینڈ کی جانب سے بھارت سے آنے والوں پر پابندی 11 اپریل سے 28 اپریل تک عائد رہے گی۔ نیوزی لینڈ نے یہ پابندی ملکی سرحد پر کورونا کے 23 کیسز مثبت آنے کے بعد لگائی جن میں سے 17 بھارت سے آنے والے افراد تھے۔

نیوزی لینڈ کی وزیر اعظم جسینڈا آرڈرن نے آکلینڈ میں میڈیا سے گفتگو میں پابندی عائد کیے جانے کا اعلان کیا۔

واضح رہے کہ امریکہ اور برازیل کے بعد کورونا سے سب سے زیادہ متاثر ہونے والا ملک بھارت ہے جہاں اب تک ایک کروڑ 29 لاکھ سے زائد افراد کورونا سے متاثر ہو چکے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More