ٹیکسی چلانے والے کے بیٹے نے بڑی کامیابی حاصل کر لی ۔۔ باپ اور ملک کا نام فخر سے بلند کیسے کر دکھایا؟ جانیں

امریکی ریاست نیو یارک کے علاقے لانگ آئی لینڈ میں محنت کی عظیم داستان ایک مسلمان نے قائم کر کے اقوام عالم کو بتا دیا کہ دنیا کے کسی مید ان میں بھی مسلمان پیچھے نہیں۔نیو یارک میں مقیم پاکستانی نثراد ہسپانوی مسلمان کیون شکیل کو انکی انتھک محنت کے بعد آج نیو یارک میں ہی ٹیکسی اور لیموزین کمیشن کا سربراہ بنا دیا گیا ہے۔کیون شکیل سب سے پہلے مسلمان ہیں جنہیں یہ عہدہ حاصل ہوا ہے۔

لانگ آئی لینڈ کے علاقے ویسٹ بری کے مئیر پیٹر کوورالو نے کیون شکیل کے ٹیکسی اور لیموزین کمیشن کے سربراہ بنانے کی منظوری دی۔یہی نہیں کیون شکیل امریکہ میں پہلے مسلم ہیں جنہوں نے پہلا اسلامک ریڈیو قائم کیا۔واضح رہے کہ کہ کیون شکیل کے والد بھی نیویارک میں ہی ٹیکسی چلایا کرتے تھے۔بیٹے کی کامیابی پر والد کو پاکستانی کمیونٹی کی جانب سے بے تہاشا مبارک باد وصول ہو رہی ہیں جبکہ بیٹے کی کامیابی پر والد اللہ کے شکر گزار ہیں۔