عید کے بعد تمام شہریوں کی ویکسینیشن کیلئے رجسٹریشن شروع کردی جائے گی، اسد عمر

بول نیوز  |  Apr 09, 2021

وفاقی وزیر ترقی و منصوبہ بندی اسد عمر نے کہا ہے کہ عید کے بعد تمام شہریوں کی ویکسینیشن کیلئے رجسٹریشن شروع کردی جائے گی۔

نجی ٹی وی سے گفتگو کرتے ہوئے اسد عمر کا کہنا تھا کہ رجسٹریشن کا عمل مرحلہ وار شرو ع کیا گيا ہے، 50 سال کے شہریوں کی ویکسینیشن کا عمل چند روز میں شروع ہوجائے گا جبکہ عید کے بعد تمام شہریوں کی ویکسینیشن کیلئے رجسٹریشن شروع کردی جائے گی، غیر ملکیوں کیلئے بھی نادرا کے پورٹل پر ویکسینیشن کی رجسٹریشن کا آغاز  ہوگیا ہے۔

وفاقی وزیر کا مزید کہنا تھا کہ اساتذہ، بچے اور اسکولوں کے عملے کی صحت اولین ترجیح ہے، تعلیمی اداروں کی بندش سے کورونا کے پھیلاؤ میں کمی آئی ہے، پاکستان میں 5 کروڑ سے زائد بچے تعلیمی اداروں میں جاتے ہیں جبکہ تعلیمی ادارے کورونا کے پھیلاؤ کا سب سے بڑا سبب بنے ہیں۔

انہوں نے کہا کہ امید کرتے ہیں جلد اسپنٹک کی فراہمی کا معاملہ حل ہوجائے گا، اسپنٹک کے لیے روسی وزیرخارجہ سے بات چیت ہوئی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More