یا اللہ خیر ۔۔ ایک مرتبہ پھر زلزلہ ۔۔۔۔ بڑے پیمانے پرجانی نقصان کی اطلاعات

روزنامہ اوصاف  |  Apr 10, 2021

جکارتہ ( مانیٹرنگ ڈیسک) انڈونیشیا کے جاوا جزیرے اور دیگر شہروں میں  زلزلے سے ایک شخص ہلاک اور متعدد عمارتوں کو نقصان پہنچا ہے۔اس ضمن میں انڈونیشیا کے جیو فزکس ایجنسی بی ایم کے جی نے بتایا ہے کہ  ریکٹر اسکیل پر زلزلے کی شدت 5.9 ریکارڈ کی گئی۔ زلزلے کا مرکز مشرقی جاوا کے جنوبی ساحل سے 91 کلومیٹر بحر ہند میں تھا۔انڈونیشیا کے ذرائع ابلاغ کے مطابق زلزلے کے جھٹکے مشرقی جاوا اور قریبی صوبوں کے شہروں بشمول جزیرہ بالی اور قصبوں میں بھی محسوس کیے گئے۔زلزلے سے لومجنگ میں گرتے ہوئے پتھر کی زد میں آکر ایک شخص جاں بحق ہوگیا۔انڈونیشیا کے جیو فزکس ایجنسی بی ایم کے جی نے بتایا کہ زلزلے کے بعد متعدد بار جھٹکے محسوس کیے گئے ہیں تاہم سونامی کا کوئی خطرہ نہیں ہے۔ابتدائی اطلاعات کے مطابق زلزلے سے پارلیمانی عمارتیں، ایک اسکول ، ایک اسپتال اور متعدد شہروں میں مکانات کو نقصان پہنچا ہے۔ زلزلے سے بتو شہر کے ایک تفریحی پارک میں ایک گوریلے کے ایک بڑے مجسمے کا سر اکھڑ گیا۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More